________________ काव्यमाला / . नटी- (संहसापसृत्य / ) एससि / आणवेदु अजो किं णिमित्तं महच्चे अ पञ्चूसे सद्दाविदह्मि / (क) सूत्रधारः- आयें, त्वरयन्त्येते नानादिगन्तागताः सकलकलाजलधिसांयात्रिका यात्रिकाः संगीतरङ्गप्रसङ्गाय माम् / तत्प्रसाध्यन्तां पात्राणि प्रवेशोचितवर्णिकापरिग्रहेण / नटी—को उण एदाणं सामाजिआणं मैज्झे णिग्गहाणुग्गहसमत्यो अज्झक्खो जस्स पुरदो णच्चामो / (ख) सूत्रधारः- आर्ये, अयमेव तावदाखलब्रह्माण्डमण्डपमहानटः सृष्टिस्थितिप्रलयनाटिकासूत्रधारः सूत्रात्मा विश्वसाक्षी भगवानिन्दुशेखरः / तत्पादपद्मपरिचर्यापर्याप्तप्राप्तसाम्राज्यधुरंधरो गोवर्धनधारिराजश्च / नटी—को उण एसो गोवर्धनधारीति भणिज्जइ / (ग) सूत्रधारः—तदाकर्ण्यतां यदि कौतुकम् / अस्ति क्षमापालमौलिज्वलदमलमणिश्रेणिनिःश्रेणिरोह द्रोचिर्वीचिप्रपञ्चच्छुरितपदनखप्रेसदुद्यन्मयूखैः / येनाकालेऽपि बालारुणकरनिकरो जागरोजृम्भमाण____ ज्योत्स्नाजालैर्जटालं स्फुटमजनि हरिच्चक्रवालान्तरालम् // 11 // अपि च / ... वापी पातालमूलं जलमुरगनदी कच्छपः स्वच्छकन्दः शेषो नालं दलानां विततिरपि फणाः कर्णिका शैवशैलः / ___ (क) एषास्मि / आज्ञापयत्वार्यः किं निमित्तं महत्येव प्रत्यूषे शब्दायितास्मि / (ख) कः पुनरेतेषां सामाजिकानां मध्ये निग्रहानुग्रहसमर्थोऽध्यक्षो यस्य पुरतो नृत्यामः / (ग) कः पुनरेष गोवर्धनधारीति भण्यते / 1. 'सोपसृत्य' इति ख-पाठः. 2. 'मज्झे' इति क-पुस्तके नास्ति. 3. 'अज्झक्खो' इत्यस्य स्थाने ख-पुस्तके 'अज्जउत्तो' इत्यस्ति, 4. 'अये' इति ख-पाठः. 5. 'पर्याप्तप्राज्यसाम्राज्य-' इति क-पाठः.
