________________ 5 अङ्कः] . जीवानन्दनम् / अतः सर्वमस्मै निवेदयामि / यदयमपि तस्य पाण्डोविश्वासस्थानमेवेति / (प्रकाशम् / ) सखे, तवाप्यकथनीयं नाम किमस्ति श्रूयताम् / विज्ञानप्रहितेन राजहतकेनास्मन्निसर्गद्विषो यावत्साधयितुं रसं कथमपि ध्यानस्य सिद्ध्या क्रमात् / स्वच्छन्देन च पुण्डरीकनगरी गत्वा मनोद्वारतः / ____ साम्बस्यैव महेश्वरस्य दृढया भक्त्या प्रसादात्स्थितम् // 14 // तदिदमाकर्ण्य मन्त्रिणा पाण्डुना एतस्य विघ्नाचरणं मनसः पारतन्त्र्यं विना नोपपद्यत इति तदर्थ कामादयः षडेव प्रभवन्तीति त एव वयं प्रेषिताः / अस्माभिश्च तत्र सखिस्नेहवशादङ्गीकृतं मनसः पारतन्द्रयकरणम् / कुष्ठः-ततस्ततः। मत्सरः-ततश्च तेष्वहमेको मन्दभाग्य इमां दुरवस्थामनुभवामि / कुष्ठः-अथ कामस्य कावस्था / मत्सरः-सखे, किं कथयामि मन्त्रिहतकस्य दुर्बुद्धिविलसितम् / श्रुत्वा पित्तकफात्मपङ्गुयुगलस्पष्टोपजापं तथा हृद्रोगस्य विमोचनं च सचिवः स्वातिककराद्विस्मितः / (आकाशे लक्ष्यं बद्धा।) पाण्डो साधु भवान्यदैव परमेशाराधने साधनं चेतःस्थैर्यवदुद्यतस्तदरिणा तद्देत्तुमित्यब्रवीत् // 15 // इतःपरमपि स बुद्धिमान्पाण्डुर्मम रसौषधसेनासंधानव्यामृततां तां राज्ञ एकाकितां मनसश्चञ्चलतां निरूप्य प्रबलास्त दिनः कामादीन्प्रेषयिष्यतीति मत्वा किंकरमुखेनैव स्वनागरिकाय विचाराय नगरपर्यटनमपहाय तत्रैव कामादिभेदने सावधानेन स्थेयमिति विज्ञानमन्त्रिणा समादिष्टम् / कुष्ठः-ततो विचारेण किं कृतम् / मत्सरः-तेन च तत्सदृशबुद्धिना कामः कामपि योगकलामुत्पाद्योपजापेन ध्यानविषयतामापादितः / . कुष्ठः-हा कामस्यापि परिणतिः / अथ क्रोधस्य को वृत्तान्तः / .