________________ 40 काव्यमाला। सानन्दाश्रुकणो दृशोः सपुलको गात्रेषु सप्रश्रय स्तुत्युक्तिर्वदने कृताञ्जलिपुटो मूर्धन्यभूवं चिरम् // 28 // तदनु मयि प्रसादाभिमुखः प्रज्वलदग्निशिखाकलापकपिलजटामण्डलाटवीविलुठज्जाह्नवीचरबालहंसायमानचन्द्रलेखः कण्ठगतकालकूटद्युतियमुनोभयपार्श्वनिःसरन्निर्झरायमाणरुद्राक्षमालिकः परिहितशार्दूलचर्मसंदर्शनभीतमिव मृगमेकं संरक्षितुं करे बिभ्राणः करान्तरे च प्रणतजनदुरदृष्टशिलाभञ्जनं टकं च कंचन भगवान्काञ्चनगिरिधन्वा गिरिकन्यासमेतो . मामेतदवोचत ध्यानेन ते प्रसन्नोऽस्मि वृणीष्व वरमर्पये / इत्युक्तवन्तं तं देवमयाचे रसगन्धकान् // 29 // ततस्तेन दीयमानान्रसगन्धकानग्रहीषम् / पुनश्च प्रणम्य सप्रश्रयमया. चिषम् / देवदेव, फलिन्यः फलहीना याः पुप्पिण्यो या अपुष्पिकाः / गुरुप्रसूतास्ता मुञ्चन्त्वंहसो न इति श्रुतिः // 30 // यस्मै ददासि तं रुग्भ्यः सर्वाभ्यः पारयामहे / इति सोमेनौषधयः संवदन्तीति च श्रुतिः // 31 // अतः सर्वास्ताः सिद्धौषधयः सोमायत्ताः स च भगवतः शिरोभूषणमचैव संनिहितः / अतः। शोधयितुं रसगन्धानकर्तुं च रसौषधानि विविधानि / दिव्यौषधीश्च सर्वा दापय मौलिस्थितेन चन्द्रेण // 32 // ततश्च भगवदाज्ञया तेन सोमेन सर्वास्ता मह्यं दत्ताः / (इति मन्त्रिहस्तेऽर्पयति / ) मन्त्री-(सहर्ष गृहीत्वा दृष्ट्वा च / ) सप्तकञ्चुकादिदोपनिराकरणेन शुद्धानेतानोषधीभिः सह शत्रुजयाय प्रयोक्ष्यामहे / देवी-कित्तिआ ते सत्तुजणा. किंणामहेआ अ कस्सि समए पुरोपरोह किदवन्तो / (क) (क) कियन्तस्ते शत्रुजनाः किनामधेयाश्च कस्मिन्समये पुरोपरोधं कृतवन्तः।
