________________ 3 अङ्कः] . जीवानन्दनम् / मूर्धानं व्याप्तुकामाः शतमथ नवतिर्लोचने चाधिचत्वा नासामष्टादशास्यं खलु चतुरधिका सप्ततिर्हच पञ्च / वक्षोजौ पञ्च शूलैः सह समगणनैः कुक्षिमष्टौ च गुल्माः स्वार्हस्थानान्युपेतं त्रिगुणगणनया पञ्चकं च व्रणानाम् // 13 // अथ च स्वयमेव मन्त्रिभूतस्य युवराजस्य पाण्डोः पुरोपरोधवैचित्री वाचामतिवर्तते पन्थानम् / (सामर्ष सावहित्थं चाकाशे / ) साधु मन्त्रिधुरीण, साधु / अनया गुप्तप्रयोगप्रकारगौरवया धिषणया शौर्येण च दैत्यगुरुं वृषपर्वाणं चाधिशेषे / (सोपहासम् / ) मयि- (इत्य|क्ते विरमति / ) धारणा-(सस्मितम् / ) अमच्चस्य वाक्यसेसेण तकीअदि धीरोदतत्तणम् / (क) अमात्यः-अस्खलितासाधारणकार्यावधारणधौरेयस्खलितानि तव मनीषितानि भवन्ति / (इति पुरो विलोक्य।) अहो नगरालंकारचातुरी पौराणाम् / कीर्णान्यम्बुपृषन्ति किंकरगणैरभ्यन्तरे ताडिता__न्यातोद्यानि निकेतकेकिनटनप्रारम्भमूलानि च / बद्धा मन्दिरमार्गसीमसु हसन्नानापनीतांशुक. व्यक्तोरोजसलज्जसिद्धयुवतिव्याकृष्टचेलध्वजाः // 14 // अपि च / मन्ये रम्भाः पुरमृगशामूरुसौभाग्यचौर्या हृद्धा भृत्यैः प्रतिगृहमपि द्वारपार्श्वद्वयेषु / अम्भोदुर्गात्कथमपि हृता यत्रितोचैर्विताने ___ तासां वक्राम्बुजपरिमलग्राहिणी पद्ममाला // 15 // किं च / सुधालेपधवलीकृतसौधवसतयः पौरयुवतयः शारदाभ्रगतपरमाद्भुततडिल्लताविभ्रममुद्भावयन्ति / किं च, चञ्चरीकृगणश्चित्रलिखितसहकारमञ्जरीकलितोत्कलिकया संचरमाणोऽपि कदर्यमवनीपतिमुपगतो वनीपकलोक इव निष्फल एव निवर्तते / कतिचन निकेतनानि च नूतनालि (क) अमात्यस्य वाक्यशेषेण तय॑ते धीरोदात्तत्वम् /
