________________ 28 काव्यमाला। किं च / भक्त्या त घटयित्वा चतुरोऽपि पुमस्तिस्य साधयितुं किलायमपरो यत्नस्तत्रापि प्रतिविधास्यते / कर्णमूल:-(सप्रश्रयम् / ) देव, युगविगमसमयसमसमुदितमार्तण्डमण्डल. स्येवाखण्डितप्रतापस्य तवापि कियान्स रसः शोषण इव तस्य (?) तव किं महिमातिशयः / तथाहि। दृष्ट्वा वैरिचमूसमूहमवशादुद्वेलमुज्जृम्भित क्रोधात्संगररङ्गसीमनि भवत्यद्धा निबद्धादरे। ' जीवः कः क्व च तस्य मन्त्रिहतको विज्ञानशर्मा पुन___ दृश्येरन्क्क तृणाग्नितुल्यमहसस्तस्याल्पसारा रसाः // 32 // पाण्डुः-आः, अस्त्वेतत् / भद्र, कथय कीदृशी प्रकृतीनां प्रवृत्तिः / के स्वामिनि दृढभक्ता के प्रबलाः के च दुर्बला नगरे / अरिमित्रोदासीनाः के पुनरङ्ग त्वया दृष्टाः // 33 // कर्णमूल:-कथयामि देव, श्रूयताम् / तत्र प्रकृतयस्तिस्रो वातपित्तकफात्मकाः / तत्र यः प्रबलो वातः स तु स्नेहैर्वशीकृतः // 34 // किं च / तदनुगतं यत्पित्तं मधुरमयैस्तद्विजेयमुपचारैः / पङ्गुर्यस्तत्र कफस्तीक्ष्णोपायैर्वशं स चानीतः // 35 // पाण्डुः-अथ कीदृशो मनसो वृत्तान्तः / .. कर्णमूल: उद्दामबुद्धिविभवेन मनस्तु तत्र विज्ञानशर्मसचिवेन वशीकृतं सत् / कार्ये महत्यधिकृतं हितकारिराज्ञः सर्वात्मनाप्यनुसरत्यधुना तमेव // 36 // पाण्ड:-अथ विज्ञानशर्मस्पार्धिनो ज्ञानशर्ममन्त्रिणः कीदृशः प्रकारः।
