________________ 1 अङ्कः]. जीवानन्दनम् / तस्मात्प्रबलजडतीक्ष्णप्रकृतीनां वातपित्तकफानां मध्ये प्रबलो यो वातः स तु बहुविधस्नेहविशेषप्रयोगेण वशीकार्यः / तदनुगतस्य पित्तस्य मधुरोपचारेणैव सुकरो वशीकारः / उभयविरुद्धो जडो यः कफस्तत्रेतरोपायस्याप्रसरात्तीक्ष्णप्रयोगेणैव स वशमानेतव्यः / एवं च तत्तत्समुचितैरुपायैः सर्वामयनिदानेषु वातादिषु स्वाधीनेषु तज्जनितानामितरेषामुन्मेष एव दूरतोऽपास्तः / किं च। सर्वस्मिन्विषये निरङ्कुशतया यहुनिरोधं मनः प्रायों वायुरिव प्रकृष्टबलवत्सर्वात्मना चञ्चलम् / तत्कामादिभिरुद्धतैरुपहतं संप्रेरितैर्यक्ष्मणा तत्सौहार्दमुपेत्य यद्यपि पुनर्नः प्रातिकूल्यं चरेत् // 32 // अतस्तदपि महाधिकारेण वशीकृत्य महति व्यापारे विनियोज्य तैरपि दुर्भेदं करिष्यामि / यद्यपि मद्विरोधिचेष्टोऽज्ञानशर्मा मदसंनिधाने राज्ञ उपजापेन कार्यभेदमेव जनयेत् तथापि जाग्रतिः फलकर्मैव (1) / सर्वानर्थनिदाने यक्ष्मणि तस्मिन्समूलमेव मया / . उन्मूलिते ततो नः कर्तव्यं नावशिष्यते किंचित् // 33 // तथाकर्तुमेव तावद्वाजनिकटमेव गच्छामि / (इति कतिचित्पदानि गत्वा पुरो विलोक्य / ) इदं तद्राजभवनम् / यावत्प्रविशामि / कः कोऽत्र भोः / ___ (प्रविश्य / ) प्रतीहारः-मन्त्रिन्, किमाज्ञापयसि / मत्री-प्राण दौवारिक, संप्राप्तं मां राज्ञे निवेदय / प्राणः-तथा / (इत्यन्तःपुरं प्रविष्टः / ) मत्री-(परितो विलोक्य / ) इह खलु संमृज्य शोधिनीभिश्चत्वरवेदीतलेषु रम्येषु / रचयन्ति रङ्गवल्लीरन्तःपुरचारिका एताः // 34 // गृह्णन्वेत्रलतां वसत्यवसरापेक्षो जरत्कञ्चुकी राजा मामवलोकयेदिति समं वत्सेन गौस्तिष्ठति /
