________________ उन्मत्तराघवम् / आयें सहैव वसतस्तदबोधबोधौ - छायातपाविव तलेऽल्पदलद्रुमस्य // 17 // रामः-भवतु / एतामेव पृच्छामि / त्वामागतेयं पदपतिरस्याः प्रयच्छ मे पद्मिनि पद्मवक्राम् / न चेत्तदीयां चरणाब्जमुद्रां प्रदर्शयान्यत्र विनिर्गतां मे // 18 // (विभाव्य / ) इयमपि चलितकमलमुखसंज्ञया पदपद्धतिमितः प्रयातामावेदयति / लक्ष्मणः-इतः सहकारवाटिकामुपगता पादमुद्रा / (उभौ चूतवाटिकामुपसरतः / ) लक्ष्मणः-(स्वगतम् / ) आर्यस्य हृदयमन्यतो नयामि / (प्रकाशम् / ) किसलयपरिपार्टी किंचिदने विधुन्व न्प्रतिपदमुप(मनु)यातः पङ्क्तिभिः षट्पदानाम् / अभिनवमकरन्दानाहरन्मञ्जरीणां मलयशिखरिजन्मा मारुतो याति मन्दम् // 19 // रामः-अये, विरहिजनवनदावानलः समीरणः / सर्वस्य जगतः प्राण इति त्वां ब्रुवते वृथा / .. जगदन्तःस्थितस्यैव यतो मे प्राणहारकः // 20 // तथा हि। अङ्गं यदि प्रियायाः स्ष्टष्टं भवता शिरीषसुकुमारम् / तालिङ्ग ममाङ्गान्यपसर तूर्णं न चेत्पवन // 21 // (विभाव्य / ) भवतु, प्रेयसीमेव पृच्छामि / / जगत्प्राणं मम प्राणकान्ता कान्तारसीमनि / . भ्रमता भवता दृष्टा किं सा हंसलसद्गतिः // 22 // अये, प्रियाया निसर्गसुरभिणा मुखमारुतेन तिरस्कृततया वैरमनुस्मरंस्तूष्णीमुपयासि / माकन्दपालीमकरन्दपूरे मधुव्रता मज्जनमाचरन्तः / मानापनोदाय मनस्विनीनां मानोभवं मन्त्रमुदीरयन्ति // 23 //
