________________ काव्यमाला / सुरक्षितोऽपि हारिद्रः क्षणेनैव विरज्यते / नीलो देहक्षयस्थायी वार्यमाणोऽपि निश्रलः // 22 // सौवर्णश्छेदनिर्घर्षतापैस्तुल्यरुचिः सदा / मृज्यमानस्य वैमल्यं ताम्रसंज्ञस्य नान्यथा // 23 // रोतिनाम्नस्तु मालिन्यं स्नेहेनाप्युपजायते / सैसस्यादौ च मध्ये च क्षये च मलिना रुचिः // 24 // तीक्ष्णस्वभावाल्लोहस्य काठिन्याञ्च न नम्रता। . मणिनामा च निर्व्याजः सहजस्वच्छनिश्चलः // 25 // खभावभिदुरः काचसंज्ञश्छलनिरीक्षकः / शैलोऽपि गौरवस्थायी हृदयाभावनीरसः // 26 // सांध्यश्चलश्च नित्यश्च कल्पदोषो दशाश्रयः / चन्द्ररागः प्रशान्तार्तिशीतलः क्षयवृद्धिभाक // 27 // ऐन्द्रायुधो बहुरुचिर्वक्रमायाविलासभूः / वैद्युतस्तरलारम्भदृष्टनष्टविकारकृत // 28 // अङ्गारः स्त्रीजनावज्ञाज्वलितो लोहिताननः / केतुसंज्ञः स्फुटानर्थकारी बन्धवधादिभिः // 29 // आर्कस्तीक्ष्णतया नित्यसंतापः सततोदयः / मित्रक्षयैषी विषमो राहुरागो महाग्रहः // 30 // श्रौत्रः कर्णसुखाभ्यासाद्गुणाकर्णनतत्परः / अक्षिजन्मा परं रूपमात्रे परिणतस्प्टहः // 31 // रासनो विविधास्वादभोज्यसंहारलौल्यवान् / . त्वमयः सर्वमुत्सृज्य सर्वाङ्गालिङ्गनोत्सुकः // 32 // घ्राणाख्यः पुष्पधूपादिभूरिसौरभलोभभृत् / मानसः सतताभ्यस्तस्टहामात्रमनोरथः // 33 // बुद्ध्याख्यो गुणवत्कान्तासक्तिव्यसनवर्जितः। . अहंकाराभिधः श्लाघ्यसंगमोन्नतिलक्षणः // 34 //