________________ 5 समयः] समयमातृका / वृषसंज्ञश्च तारुण्यात्कायदर्पबलोद्भवः / अश्वस्तु रतमात्रार्थी तत्कालोद्यतकातरः // 35 // हकलासाभिधानश्च स्त्रैणदर्शनचञ्चलः / मेषाख्यः शष्पकवलाभ्यासतुल्यरतिस्प्टहः // 36 // श्वाख्यो रत्यन्तविमुखः स्त्रीरहस्यप्रकाशकः / गार्दभः क्रूरसंमदतृप्तिमात्रपरायणः // 37 // मार्जारजन्मा सातत्यादत्यन्तनिकटस्थितिः / कौञ्जरः क्लेशबन्धादिनिरपेक्षसमागमः // 38 // शुकाभिधोऽन्तर्निःस्नेहः कामं मुखसुखस्थितिः / हंससंज्ञः सुखस्थित्या गुणदोषविभागकृत् // 39 // पारावताख्यः सस्नेहरतिसर्वस्वलक्षणः / . मायूरः स्ववपुः स्फीतरूपप्रमदनृत्तवान् // 40 // बहुशः सुरतासङ्गमात्रार्थी चटकाभिधः / कृकवाकुभवः कान्ताक्लेशलेशविभागवान् // 41 // कोकिलो मधुरालापः प्रभूतप्रसरत्कथः / जीवजीवकसंज्ञश्च परिचुम्बननिश्चलः // 42 // केशाख्यः सप्तदिवसस्थायी कृच्छ्रानुरञ्जकः / अस्थिसंस्थोऽन्तरस्थश्च प्रच्छन्नस्नेहजीवितः // 43 // नखाभिख्यो मासमात्रस्थायी याति शनैः शनैः / / पाणिनामा प्रबुद्धोऽपि बद्धमुष्टेन लक्ष्यते // 44 // दन्ताभिधो यस्ताम्बूललीलामात्र रुचिः सदा। . पादाख्यश्चरणालीनः प्रणामैरेव केवलम् // 45 // तिलकप्रतिमो नीचस्योत्तमस्त्रीसमागमः / कर्णपूरश्च कौटिल्यात्कर्णलग्नोऽतिकत्थनः // 46 // सर्वत्रानुचरः शोषकारी छायाग्रहाभिधः / अज्ञातचित्तः स्तब्धाख्यो भूतसंज्ञो विचेतनः // 47 //