________________ 4 समयः] समयमातृका। 29 स पूज्यः पूजितस्तेन श्रद्धयोपनिमन्त्रितः / .पाकशालां ययौ द्रष्टुं भक्ष्यराशिशतान्विताम् // 99 // तत्रापश्यत्स सर्वान्नव्यञ्जनादिगणोपरि / सितयज्ञोपवीताकं लम्बमानतनुं शवम् // 100 // स्त्रवद्भिस्तस्य गात्रेभ्यः सूक्ष्मशोणितबिन्दुभिः / अन्नं सर्वजनादृष्टैः सिच्यमानं ददर्श सः // 101 // दृष्ट्वा तदतिबीभत्सं घृणासंकुचिताशयः / संस्ष्टष्टकर्णः स ययौ ततस्तूर्णमलक्षितः // 102 // अथ संवत्सरे याते पुनरभ्येत्य कौतुकात् / सोऽपश्यन्मांसहीनं तत्स्नायुबद्धं कलेवरम् // 103 // शिरामुखशतैस्तस्य क्लिन्नस्नेहकणैश्चितम् / स दृष्ट्वा भोज्यमगमजुगुप्सामीलितेक्षणः // 104 // वर्षेण पुनरायातः सोऽस्थिशेषशवस्त्रुतैः / अन्नव्यञ्जनमद्राक्षीद्वयाप्तं द्वित्रैर्वसाकणैः // 105 // कौतुकाद्वत्सरे याते सोऽपश्यत्पुनरामतः / कपालशेषकलनादन्नोपरि रजश्युतम् // 106 // पडिर्मासैरथायातः शुद्धं शवविवर्जितम् / रम्यं महानसं दृष्ट्वा पुरोहितमुवाच सः // 107 // अहो गृहपतेरस्य महासत्रेण पातकम् / क्षीणमल्पेन कालेन लीढं याचककोटिभिः // 108 // . बभूव पूर्वपुरुषोपार्जितास्य गृहाश्रया। ब्रह्महत्या शववती सात्र दानात्क्षयं गता // 109 // यैस्तस्य भवने भुक्तं तैस्तत्पापं समाहृतम् / पापमन्नाश्रयं पुंसां भोक्तारमुपसर्पति // 110 // . ब्रह्महत्या भवस्यापि या बभूव भयप्रदा / धनेन क्षपिता सेयमहोधनमहोधनम् // 111 //