________________ 4 समयः) . समयमातृका / . 27 . अथ स्वप्ने गणेनाहं पृष्टा शंकरसूनुना / उपवासाः कियन्तस्ते प्राप्ता इति पुनः पुनः // 75 // स मयाभिहितः कूटकृतप्राणान्तचेष्टा / मासद्वयमतिक्रान्तं व्रतादनशनस्य मे // 76 // तच्छ्रुत्वा स स्मितमुखः सर्वज्ञः प्राह मां गणः / अहो व्रतेऽपि स्वप्नेऽपि नासत्यादस्ति ते च्युतिः // 77 // परितुष्टोऽस्मि ते भद्रे निश्चलासत्यनिश्चयात् / महामायामयकला लब्धभोगा भविष्यसि // 78 // गणेशानुचरः पूर्वमिति मह्यं वरं ददौ / असत्येनैव वेश्यानां भवन्ति धनसंपदः // 79 // धनप्रधानं जनजीवभूतं लोकेषु तत्रापि विशेषयोगात् / जनाभिसारप्रतिपत्तिभाजां महीभुजां वेशमृगीदृशां च // 80 // धनेन लभ्यते प्रज्ञा प्रज्ञया लभ्यते धनम् / प्रज्ञार्थो जीवलोकेऽस्मिन्परस्परनिबन्धनौ // 81 // ईश्वरः स जगत्पूज्यः स वाग्मी चतुराननः / यस्यास्ति द्रविणं लोके स एव पुरुषोत्तमः // 82 // स एवाहृदयो राहुरलसः स शनैश्चरः / वक्रः कुजन्मा सततं वित्तं यस्य न विद्यते // 83 // सुजातस्य प्रयातस्य माङ्गल्यस्टहणीयताम् / धनिकस्य विकारोऽपि क्षीबस्येव जनप्रियः // 84 // धनिनश्चन्दनस्येव सच्छायस्य मनोमुषः / निष्फलस्यापि लोकोऽयं संपर्क बहुमन्यते // 85 // निस्त्रिंशा अपि सस्नेहा भवन्ति श्रीमतः परम् / खकेशा अपि निःस्वानां निःस्नेहा यान्ति रूक्षताम् // 86 // सेव्यः कविबुधादीनां गुरुः शूरकलावताम् / गतिप्रदोऽर्थवानेव व्योममार्ग इवोन्नतः // 87 //
