________________ काव्यमाला। मुग्धः प्रत्ययमायाति प्रत्यक्षेऽप्यन्यथा कृते / मायाप्रपञ्चसारश्च वेश्यानां विभवोद्भवः // 37 // . पुरा मठरकाख्यस्य मया पाणौ द्विजन्मनः / ताम्बूलकल्ककलितं ष्ठीवितं हास्यलीलया // 38 // मुग्धस्ततोऽवमानेन सोऽभिजातोऽभिमानवान् / जनसंसदि जज्वाल क्रोधादात्मवधोद्यतः // 39 // साधो धातुप्रकोपेन मिथ्या पश्यसि विभ्रमम् / .. न मया ष्ठीवितं किंचिद्वित्तौ पाणिः प्रमृज्यताम् // 40 // जात्या चर्ममयं चक्षुस्तस्मिन्कः प्रत्ययस्तव / मम सद्भावशीलायाः प्रमाणं वचनं न किम् // 11 // इत्युक्त्वा तीव्रशपथैर्गलहस्तादिवादनैः / स मया प्रकृति नीतस्तथेति प्रत्ययं ययौ // 42 // पदे पदे जगत्यस्मिन्निधिदेवेन निर्मितः / विटचारणवेश्यानां बुद्धिहीनावलम्बनम् // 43 // नवयौवनकाले मे गृहं विप्रसुतः पुरा / विवेश रात्रिभोगाय नाना शंकरवाहनः // 14 // शाण्ड्यादिवातिकठिनं पीनं प्रथमयौवनम् / तं ब्रह्मचारिणं दृष्ट्वा सोद्वेगाहमचिन्तयम् // 45 // कठिनोऽयं निशा दीर्घा क्षपिता कामुकैरहम् / तस्माद्ोगावहारोऽस्य मया कार्यः प्रयत्नतः // 16 // इति संचिन्त्य सुचिरं मया तैस्तैः कथाक्रमैः / आसन्नशय्यावसरे यामः पूर्वोऽतिवाहितः // 47 // आस्तां किमन्यद्वक्तव्यं श्रुतमेतदितस्ततः / पतिता नेत्रयोनिद्रेत्युवाच स पुनः पुनः // 48 // कथाबन्धेऽथ विरते तत्संगमनिवृत्तये / शूलापदेशेन मया कृतः कृतकनिःस्वनः // 49 // 1. 'मघुरकाख्यस्य' इति पाठः, 2. 'तेन' इति पाठः..