________________ 3 समयः] . समयमातृका / ततस्तिमिरसंभारैरिरामाप्रसाधने / कृष्णागुरुभरोद्भूतधूपधूमोद्गमायितम् // 5 // यामिनीकामिनीकीर्णकेशपाशोपमं तमः / दीपचम्पकमालाभिर्विश्रान्तिनियमं ययौ // 6 // अथ स्वर्वेशवनितासापत्न्यकलहच्युतम् / अदृश्यत शशाङ्काधैं दन्तपत्रमिवाम्बरे // 7 // रजनीरमणीकान्ते दिनान्ते तुहिनविषि / उदिते मुदिते लोके बभूव मदनोत्सवः // 8 // भुक्तां सहस्रकरसंपदमम्बरश्रीः कृत्वा जनस्मरणमात्रदशावशेषाम् / वेश्येव काममनपेक्षितपक्षपाता क्षिप्रं शशाङ्कविभवाभरणा बभूव // 9 // ततः कर्तुं प्रत्तेषु वेश्यावेश्मायवर्त्मसु / विटेषु मधुलुब्धेषु निर्व्यापारं गतागतम् // 10 // द्वाराग्रदत्तकर्णासु ग्रहणग्रहणेप्सया।। कुटनीषु तृणापातेऽप्युन्मुखीषु मुहुर्मुहुः // 11 // दिनकामुकनिर्माल्यमाल्यताम्बूलिनी भुवम् / संमृज्य सज्जशय्यासु वेश्यावन्यप्रतीक्षया // 12 // आस्तीर्यमाणखटान्तः किङ्किणीक्वाणसंज्ञया / पारावतेषु विरुतैर्बजत्सु स्मरबन्दिताम् // 13 // . गृहीतस्योपरि कथं गृह्यते ग्रहणं पुनः / पूर्व किं नागतोऽसीति वदन्तीष्वपरासु च // 14 // उदराबद्धवसनैर्जटाग्रन्थिनिपीडनम् / कुर्वाणैर्वारकलहे प्रारब्धे शठदेशिकैः // 15 // स्वयं मात्रा च युगपद्गृहीते ग्रहणद्वये / वारे प्राप्ते तृतीये च यान्तीष्वन्यास्वदर्शनम् // 16 // 1. 'मठदेशिकैः' इति पाठः.