________________ 2 समयः] . समयमातृका / सा तत्र भोगमित्रस्य प्रीत्या रत्नैरवाकिरत् / पुराणचित्ररूपस्य यौवनस्याल्पशेषताम् // 53 // यत्नोत्क्षिप्तकुचा कचायततया ............'करे बडापाटलपट्टकेन सरलस्थूलाञ्जनव्यञ्जना / नासार्धावधि वाससा च वदनं संछाद्य विद्याधरी केयं नूतननिर्गतेति विदधे सा मुग्धसंमोहनम् // 14 // तामेकवारं दृष्ट्वैव नग्नां प्रथमकौतुकात् / पथापि तेन वैरस्यान्न कश्चित्पुनराययौ // 55 // शीतशालेव शिशिरे दीपमालेव वासरे / जीर्णा निर्माल्यमालेव वेश्या कस्योपयुज्यते // 16 // सा तत्र ग्राहकाभावान्मृष्यन्ती पथिकांश्चलान् / संध्यायामञ्चलाकर्षः स्वल्पभाटीमयाचत // 17 // तपस्विनी शिखाख्या सा सङ्गं चक्रे तपस्विना / तत्र भैरवसोमेन भिक्षाभक्तार्धदायिना // 58 // भस्मस्मेरशरीरसंचितरुचिर्दत्ताक्षिजीवाञ्जना : बिभ्राणा स्फटिकाक्षसूत्रममलं वैचित्र्यमित्रं गले / निःसंकोचनिलीनकञ्चककचत्सुस्तब्धबाहुस्तनी साभूत्क्षोभविधायिनी हतधियां भिक्षाक्षणे निर्गता // 59 // जाते तत्राथ दुर्भिक्षे भिक्षाभक्तेऽतिदुर्लभे / / सा रात्रौ देवमात्रादि ययौ हृत्वा तपस्विनः // 60 // .. •सा कृत्याश्रमकं गत्वा विहारं हारितस्थितिः / भिक्षुकी वंजघण्टाख्या बभूव ध्याननिश्चला / / 61 // पात्रं तत्र गुणोचितं करतले कृत्वाथ भिक्षास्पदं ___ जीर्ण कामुककूटरागसदृशं काषायमादाय सा / चक्रे मुण्डनमण्डनं परिणमत्कूष्माण्डखण्डोपमं पिण्डाप्त्यै विटटक्कनापरिचयश्रेणीविहारं शिरः // 62 // 1. 'दृश्यते' इति पाठः.