________________ काव्यमाला / किं मूच्छितासि विरतासि सुखोज्झितासि ध्यानावधानबधिरासि निमीलितासि // 23 // अप्युद्दामव्यसनसरणेः संगमे कामुकानां भद्रं भद्रे भुवनजयिनस्त्वत्कलाकौशलस्य / . अप्युत्साहप्रचुरसुहृदः कामकेलीनिवासाः प्रौढोत्साहास्तव सुवदने स्वस्तिमन्तो विलासाः // 24 // इत्यादि तेन हितसंनिहितेन दृष्टा . .. स्टष्टा भृशं विभवभङ्गभयोद्भवेन / सा तं जगाद सुखदुःखसहायभूतं चिन्ताविशेषविवशा बहुशः श्वसन्ती // 25 // शृणु कङ्क ममानन्तां चिन्तां संतापकारिणीम् / ययाहमवसीदामि ग्रीष्मग्लानेव मञ्जरी // 26 // सा सखे करभग्रीवा मातुर्माता स्थिरस्थितिः / व्याली गृहनिधानस्य हता वैद्याधमेन मे // 27 // योऽसाववद्यविद्याविद्वैद्यः सद्यः क्षयोद्यतः / दादातुरवित्तेन वृद्धोऽपि तरुणायते // 28 // तेन रोगधराख्येन दत्ता रसवती मम / त्रिभागशेषतां नीता लौल्यलोभोद्भवात्तया // 29 // प्रपञ्चवञ्चनावैरात्सातेनातुरतां गता। काञ्चन्या पश्चतां नीता पश्यन्ती काञ्चनं जगत् // 30 // हिरण्यवर्णी वसुधां तस्मिन्नन्तक्षणेऽपि सा / दृष्ट्वा मामब्रवीद्वत्से गृह्यतां गृह्यतामिति // 31 // ततस्तस्यामतीतायां गृहं मे शून्यतां गतम् / पराभवास्पदीभूतं कामुकैः खेच्छया वृतम् // 32 // रिक्तः शक्तो न निर्याति नाप्नोत्यवसरं धनी / . शून्यशालेव पथिकैर्निरुद्धा कामुकैरहम् // 33 //
