________________ 28 काव्यमाला। (चिरं विभाव्य / ) कथमयमतिमानुषपौरुषो बाललीलाकलेवरावृतोऽप्यनाततब्रह्मास्वादसोदरानन्दमेदुरामुदञ्चयति चेतसो वृत्तिम् / (नेत्रे निमील्य ध्यान नाटयन् / ) त्वं क्षाराम्बुनिधिं ममन्थिथ जगत्रातुं जघन्थासुरा___ न्दंष्ट्राग्रेण समुज्जहर्थ धरणिं सुष्वप्थ शेषे सदा / दूरे तस्थिथ किं च वाङ्मनसयोः किं त्वेष नः प्राक्तनैः पुण्यैरद्य पचेलिमैः किल बलात्पुंभावमालम्बसे. // 31 // सूतः-आयुष्मन्, पश्यैतत् / प्रातः प्रोषितयो रामकृष्णयोः प्रत्यागमनमनुपालयन्तौ जरन्तौ यशोदानन्दगोपौ संभृतातिथ्यसंभारावित एवाभिवर्तते / तदेतयोः प्रत्यनन्तरीभूय यथेष्टगोष्ठीसमागमसुखमनुभवावः / अक्रूरः-सूत, एवमेतत् / तदेहि / गोपुरपरिसरमेवानुसरामः / (इति निष्कान्ताः सर्वे / ) इति कंसवधे तृतीयोऽङ्कः / चतुर्थोऽङ्कः / (ततः प्रविशति वेत्रपाणिः पुरुषः / ) पुरुषः-आदिष्टोऽस्मि तत्रभवता पुरोधसा गर्गेण यत्किल मातुलालयाय प्रवत्स्यतोवत्सयो रामकृष्णयोस्तारानुकूल्यं परिज्ञातुं दैवज्ञमाज्ञापयेति / तदेनमैनुसरामि / (नेत्रे निमृज्योर्ध्वमवलोक्य / ) अये, विभातप्राया विभावरी / तथा हि / तमस्तोमज्योत्स्नारुणकिरणकिर्मीरितरुचि नभोलक्ष्मीरेषा जयति जगदुज्जीवनकरी / निशाकल्पे लीनं पुनरपि सिसृक्षोस्त्रिभुवनं विधातुः सृष्टयादौ प्रकृतिरिव वर्णत्रयमयी // 1 // (पुनर्निरूप्य / ) इतः शुक्ला चन्द्रद्युतिभिरिह रक्तारुणकरै स्तमिस्त्रैरप्यन्तःस्खलितगतिभिर्मेचकरुचिः / 1. भगवन्' इति ख-पाठः. 2. 'गार्येण' इति क-पाठः. 3. 'अनुसरामोति' इति ख-पाठः.
