________________ 3 अङ्कः . कंसवधम् / ... 23 सूतः-आयुष्मन्, अपि नाम महाराजाज्ञागौरवनियन्त्रणात्कथमपि तथोपसीदन्तं तत्रभवन्तं भगवान्वासुदेवो न प्रतीपमाशशिष्यते / . अक्रूरः-सूत, सत्यमात्थ / दुर्जनवशवर्तिनमिह चिरतरविरहेण लुप्तसौहार्दम् / न प्रत्येति स्वजनं मृग इव मृगयूपसर्पिणं हरिणम् // 5 // तथापि / सर्वान्तरात्मा भगवान्सर्ववृत्त्यवबोधकः / न मामनन्यशरणमन्यथा प्रतिपत्स्यते // 6 // सूतः-आयुष्मन्, प्रत्यासीदति सायंतनः समयः। तत्त्वर्यताम् / रामकृष्णावलोकनेन नयने सफलयावः / अकरः—(क्षणं ध्यात्वा सहर्षम् / ) हन्त भोः, स एष दारुणतरे दारकाहरणकर्मणि नियुञ्जानेन महाराजेन प्रयुक्तो निग्रहोऽप्यनुग्रहायैव कपिप्यते मयि / अद्य खलु कुवलयदलदामश्यामकान्तिः कलावा न्नयनचुलुकनीयः कोऽपि पीयूषराशिः / व्रजपरिसरधूलीकेलिलोलः किशोरा कृतिकृतिपरिचेयो द्रक्ष्यते ब्रह्मसारः // 7 // सुतः-(प्रतीचीमवलोक्य / ) आयुष्मन्, पैश्य / अहरखिलमशेषज्योतिषामेकशेषः सकलभुवनसत्तीः कर्मसाक्षी निरीक्ष्य / रथतुरगरजोभिः काञ्चनैः क्रान्तकायो जलधिमभिनिमर्ने भानुमानानिहीते // 8 // अक्रूरः-(सहर्षम् / ) सखे, साधु समुन्नीतम् / अधिवनमभिधावद्गोखुरोड्तधूली शबलविमलगात्रः स्फीतपीताम्बर श्रीः / 1. 'मृगयूथीपणं' इति क-पाठः. मृगयुर्व्याध:. 2. 'मूर्त्यवबोधकः' इति ख-पाठः. 3. 'पश्य तावत्' इति क-पाठः. 4. 'अधिनिमत' इति क-पाठः. 5. 'अभिवन' इति ख-पाठः.
