Page Text
________________ स्याद्वादादित्थमयं वीर्योल्लासंक्रमात् समासाद्य / सम्यक्त्वं द्रव्याख्यं भावं चरणं च शिवमेति / / 171 / / ___टीका - स्याद्वादाद्अन्योऽन्यापेक्षया इत्थं स्वभावादिसमुदायादेव अयं भव्यसत्त्वो वीर्योल्लासं तथाविधसामर्थ्योदयं ततः क्रमाद् उत्तरोत्तरं वक्ष्यमाणसम्यक्त्वादीनि समासाद्य सम्प्राप्य ततो द्रव्याख्यं सम्यक्त्वं वक्ष्यमाणलक्षणं ततो भावं भीमो भीमसेन इति न्यायाद्भावसम्यक्त्वं वक्ष्यमाणस्वरूपं तत: चरणं चारित्रं चशब्दाद् तथाविधोत्कृष्टोपशमं तत: केवलज्ञानं ततश्च शिवं मोक्षम् एति प्राप्नोतीति / / 171 / / द्रव्यसम्यक्त्वादिस्वरूपमाह द्रव्याख्यं सम्यक्त्वं जिनवचनं तत्त्वमिति रुचिः परमा / भूतार्थबोधशक्त्या परिणमते भावसम्यक्त्वम् / / 172 / / टीका - द्रव्याख्यं सम्यक्त्वं प्रधानद्रव्यसम्यक्त्वमित्यर्थः, किंस्वरूपम्? जिनवचनमेव तत्त्वं नान्यदिति परमा उच्चतमा रुचिः स्वारस्यलक्षणा द्रव्यसम्यक्त्वम् अनाभोगवद्रुचिमात्रम्। तथा चागम :____ तमेव सच्चं नीसंकं सच्चं जं जिणेहिं पवेइयं ।।आचाराङ्ग सू.(१-५-५-)१६३ / / ‘परमटे सेसे अणद्वे' 'इणमेव निग्गंथे पावयणे अटे' इत्यादि एतदेव द्रव्यसम्यक्त्वं भूतार्थबोधशक्त्या यथावस्थितवस्तुग्रहणशक्त्या परिणमते परिशुद्धश्रद्धास्वरूपमापद्यते तदा भावसम्यक्त्वं नैश्चयिकसम्यक्त्वं प्रोच्यते तीर्थकरगणधरादिभिः प्रशमादिस्वकार्यकारित्वादिति / / 172 / / एतदेव भावयति - . अज्ञातगुणे सम्यग् या श्रद्धा भवति सुन्दरे रत्ने / हन्त ततोऽनन्तगुणा विज्ञातगुणे पुनस्तस्मिन् / / 173 / / टीका - सम्यक् समीचीनतया अज्ञातगुणे मनाग्ज्ञातगुण इत्यर्थः, सुन्दरे शोभने रत्ने चिन्तामण्यादौ या ... श्रद्धा उपादेयविषया रुचि: भवति जायते, हन्तशब्दो हर्षे तत: अनन्तरोक्तश्रद्धासकाशात्तीव्रतया अनन्तगुणा श्रद्धा विज्ञातगुणे अनुभूतस्वभावे पुनस्तस्मिन् सुन्दररत्ने जायते तथा द्रव्यसम्यक्त्वगतश्रद्धाऽपेक्षया भावसम्यक्त्वसत्का श्रद्धा बोद्धव्येति / / 173 / / तत: किमित्याह - प्रशमादिलिङ्गजनकं शिवबीजं तेन भावसम्यक्त्वम् / श्रुतधर्मस्तद्धेतुः परीक्षणीयस्ततो यत्नात् / / 174 / / - टीका - येन कारणेन प्रशमादिलिङ्गजनकं प्रशमसंवेगनिर्वेदादिलिङ्गनिष्पादकं भावसम्यक्त्वं नैश्चयिकसम्यक्त्वं तेन कारणेन परिशुद्धचरणपरिणामजनकत्वेन भवोपग्राहिकर्मक्षयकारित्वात् शिवबीजं मोक्षाऽऽद्यकारणम्। प्रासङ्गिकमभिधाय प्रस्तुतमाह - यस्मात् श्रुतधर्म: चारित्रधर्मव्यवस्थाकारी तद्धेतुः भावसम्यक्त्वस्य बाहुल्येन जनक: | महामहोपाध्याय श्री यशोविजय विरचितं 59 मार्गपरिशुद्धिप्रकरणंसटीकम् |
| SR No. | 004398 |
| Book Title | Margparishuddhi Prakaranam |
| Original Sutra Author | N/A |
| Author | Kulchandrasuri |
| Publisher | Bhidbhanjan Parshwanath Jain Sangh |
| Publication Year | 2002 |
| Total Pages | 112 |
| Language | Sanskrit |
| Classification | Book_Devnagari |
| File Size | 11 MB |