________________ विभूसा इत्थीसंसग्गी, पणियं रसभोयणं; नरस्सत्तगवेसिस्स, विसं तालउडं जहा / / 57 / / अंगं पच्चंग संठाणं, चारुलविय पेहियं; इत्थीणं तं न निज्झाए, कामरागविवड्डणं / / 58 / / विसएसु मणुन्नेसु, पेमं नाभिनिवेसए। अणिच्चं तेसिं विनाय, परिणामं पुग्गलाण य / / 59 / / पुग्गलाणं परिणामंतेसिं नच्चा जहा तहा / विणीयतण्हो विहरे, सीइभूएण अप्पणो / / 60 / / जाए सद्धाए निक्खंतो, परियायट्ठाणमुत्तमं / तमेव अणुपालेज्जा, गुण आयरिए सम्मए / / 61 / / (दश.वै.अ.८) अदंसणं चेव अपत्थणं च, अचिंतणं चेव अकित्तणं च। इत्थीजणस्सऽऽरियझाणजुग्गं हियं सया बंभचेररयाणं / / (उत्तराध्ययन अ. 32 गा.१५) जइ तं काहिसि भावं, जा जा दिच्छसि नारिओ। वायाविद्धो व्व हडो, अट्ठिअप्पा भविस्ससि / / 45 / / गोवालो भंडवालो वा, जहा तद्दव्वस्सऽणिस्सरो। एवं अणिस्सरो तं पि, सामणस्स भविस्ससि / / 46 / / (उत्तराध्यय.अ.२२गा.४५-४६) निग्गंथस्स खलु सद्दरूवरसगंधफासाणुवादियस्स बंभयारिस्स बंभचेरे संका वा कंखा वा विइगिच्छा वा समुपज्जिज्जा, भेदं वा लभेज्जा, उम्मायं वा पाउणिज्जा, दीहकालियं वा रोगायकं हवेज्जा, केवलिपन्नत्ताओ वा धम्माओ भंसेज्जा / / . (उत्तराध्ययन - अ.१६ सू-१०) नो रक्खसीसु गिज्झेज्जा, गंडवच्छासुऽणेगचित्तासु / जाओ पुरिसं पलोभित्ता खेल्लंति जहा व दासेहिं / / 18 / / (उत्तराध्ययन - अ. 8 गा.१८) नारीसु नोवगिज्झेज्जा, इत्थी विप्पजहे अणगारे / धम्मं च पेसलं नच्चा, तत्थ ठविज्ज भिक्खू अप्पाणं / / 19 / / (उत्तराध्ययन-अ.८ गा.१८) संगो एस मणूसाणं, जाओ लोगम्मि इथिओ / जस्स एया परिण्णाया, सुकडं तस्स सामण्णं / / 16 / / (उत्तराध्ययन अ. 2 गा. 18) | महामहोपाध्याय श्री यशोविजय विरचितं 46 मार्गपरिशुद्धिप्रकरणंसटीकम
