Page Text
________________ * सामायिकसूत्रं ‘करेमि भंते सामायिकमि'त्यादिरूपं पठति कर्षति त्रि: त्रीन् वारान् अथ गुरुणा सार्धं शिष्योऽपि मुमुक्षुरपि अनुपठति अनुकर्षति नमस्कारपूर्वकं सामायिकसूत्रम्, किं विशिष्टः सन्? इत्याह - विशुद्धपरिणाम: दुर्लभतमसंयमजीवितलाभेन आत्मानं कृतकृत्यं मन्यमान इति / / 66 / / तत: वासानभिमन्त्र्य गुरुस्ततश्च जिनसाधुपादयोर्दत्ते / दापयति तत: शिष्यं वन्दनकं भणति वन्दित्वा / / 67 / / टीका - सामायिकोच्चारणानन्तरं वासान् प्रतीतान् गृहीत्वा अभिमन्त्र्य च सूरिमन्त्रेण गुरु : आचार्य:, अनाचार्यस्तु वर्धमानविद्यया पञ्चनमस्कारमन्त्रेण वाऽभिमन्त्र्य जिनसाधुपादयोः अर्हत्पादयोः दत्ते ददाति पञ्चनमस्कारमन्त्रपूर्वकमेव, तदनन्तरं सर्वेभ्य: साध्वादिभ्यः, अत्र पादशब्द आदरख्यापनार्थ: आदिशब्दात्आर्याजनश्रावकादिपरिग्रहः / ततः पश्चात् वासप्रदानोत्तरकालं दापयति कारयति शिष्यं शैक्षं वन्दनकं द्वादशावर्तलक्षणम्। शिष्यश्च वन्दित्वा ऊर्ध्वस्थानेन स्थितः सन् भणति वक्ष्यमाणं इति / / 61 / / वन्दित्वा यद्भणति तदाह - संदिशत किं भणामीत्येवं प्रवेदय गुरुश्च वन्दित्वा / इति भणति ततोऽर्धाऽऽनततनुः स भणतीदमुपयुक्तः / / 68 / / टीका - संदिशत आज्ञापयत यूयं यदुत किं भणामि किं प्रवेदयामि इति। गुरुश्च आचार्यश्च भणति कथयति वन्दित्वा प्रवेदय प्रणम्य कथय एवं वक्ष्यमाणलक्षणम्। तत: गुरुवाक्यानन्तरं क्षमाश्रमणपूर्वकं वन्दित्वा ऊर्ध्वस्थानेन अर्धाऽऽनततनुः अर्धावनतशरीर: सन् स शैक्षक: भणति प्रवेदयति इदं वक्ष्यमाणलक्षणमेव उपयुक्त: सुप्रणिहित: सन्निति / / 68 / / यद्रणति तदाह - युष्माभिः सामायिकमारोपितकमनुशास्तिमिच्छामः। , शीर्षे शिष्यस्यैवं गुरुराह ददत्ततो वासान् / / 69 / / टीका - युष्माभिः भवद्भिः सामायिकं पूर्वोक्तलक्षणम्आरोपितंन्यस्तम्। साम्प्रतम् अनुशास्ति हितशिक्षाम् इच्छाम पूर्ववद् इति शिष्यो भणति। तत: तदनन्तरं गुरु: आचार्य: शिष्यस्य शैक्षकस्य शीर्षे मस्तके वासान् प्रतीतान् ददत् यच्छन् एवं वक्ष्यमाणम् आह ब्रवीतीति / / 69 / / आचार्यो यद्भणति तदाह - वर्धस्व गुरुगुणैस्त्वं निस्तारकपारगः प्रवेदितं किम् / तुभ्यं प्रवेदयामि स भणति च सन्दिशत साधूनाम् / / 70 / / टीका - वर्धस्व वृद्धि गच्छत गुरुगुणैः प्रकृष्टैर्ज्ञानादिभिः त्वं शिष्यः निस्तारकपारगः प्रतिज्ञाया निस्तारक: पारगश्च साधुगुणानां भवेति। तत: पुन: क्षमाश्रमणदानपूर्वकं वन्दित्वा स शिष्यो भणति पठति - तुभ्यं युष्माकं प्रवेदितं ज्ञापितम्। साम्प्रतं सन्दिशत आज्ञापयत यूयं किं प्रश्ने साधूनां यतिभ्यश्च प्रवेदयामि ज्ञापयामीदं सामायिकारोपणमिति / / 70 / / अन्यसामाचारीदर्शनपुरस्सरं गुरुवचनमाह - महामहोपाध्याय श्री यशोविजय विरचितं 24 मार्गपरिशुद्धिप्रकरणंसटीकम्
| SR No. | 004398 |
| Book Title | Margparishuddhi Prakaranam |
| Original Sutra Author | N/A |
| Author | Kulchandrasuri |
| Publisher | Bhidbhanjan Parshwanath Jain Sangh |
| Publication Year | 2002 |
| Total Pages | 112 |
| Language | Sanskrit |
| Classification | Book_Devnagari |
| File Size | 11 MB |