________________ 5 परिच्छेदः / सरस्वतीकण्ठाभरणम् / 611 तेषु दृष्टं यथा__'सरसिजमनुविद्धं शैवलेनापि रम्यं * मलिनमपि हिमांशोलक्ष्म लक्ष्मी तनोति / इयमधिकमनोज्ञा वल्कलेनापि तन्वी किमिव हि मधुराणां मण्डनं नाकृतीनाम् // 122 // ' श्रुत यथा'किं रूपं स्फुटमेव सा शशिमुखी धत्ते तदत्यद्भुतं ___ मामुत्साहयितुं परापकरणे चित्तं किमस्मत्स्वसुः / इत्यन्तर्विकसंद्वितर्कविधुरं चेतस्तथा वर्तते खल्पोऽप्येष मम प्रयाति पुरतः पन्था यथा दीर्घताम् 123' अनुमानं यथा'शान्तमिदमाश्रमपदं स्फुरति च बाहुः कुतः फलमिहास्य / अथवा भवितव्यानां द्वाराणि भवन्ति सर्वत्र // 124 // ' संस्कारस्त्रिधा-आइतः, पटुः, अभ्यस्तश्चेति / तत्राश्रयगुणेनादरप्रत्ययादुत्पन्न आहतो यथा___ 'कन्यारत्नमयोनिजन्म भवतामास्ते वयं चार्थिनो रनं यत्कचिदस्ति तत्परिणमत्यस्मासु शक्रादपि / कन्यायाश्च परार्थतैव हि मता तस्याः प्रदानादहं .. बन्धुर्वो भविता पुलस्त्यपुलहप्रष्ठाश्च संबन्धिनः // 125 // ' विषयगुणेन पटुप्रत्ययादुत्पन्नः पटुर्यथा'उत्पत्तिर्देवयजनाद्ब्रह्मवादी नृपः पिता / सुप्रसन्नोज्ज्वला मूर्तिरस्याः स्नेहं करोति मे // 126 // / 1. 'मण्डनेन' ग. 2. 'इति' इत्यधिकं ख. 3. 'आदरादुत्पन्न' क.ख. 4. 'चेत्कचिदस्ति' मुद्रितमहाबीरचरिते. 5. 'मूर्तिरस्यां स्नेह' मुद्रितमहावीरचरिते.
