________________ 558 काव्यमाला / योऽस्यात्यन्तमनुच्छेदः स शेष इति शब्द्यते // 32 // शृङ्गाराद्या रसा ये च ये च शान्तोद्धतादयः। ये च रत्यादिभेदास्ताविशेषानस्य मन्वते // 33 // विभावश्चानुभावश्च संचारी चाश्रयश्च यः / ये च लीलादयो यूनां परिशेषः स कीर्त्यते // 34 // आश्रयो यस्य रत्यादिः प्रेमादेरुपजायते / विषयो यत्र योषादौ सोऽय जन्माधिगच्छति // 35 // आलम्बनविभावः स ज्ञानकारणमुच्यते / तेनादरादिरूपेण संस्कारस्तस्य जायते // 36 // आहेतः पटुरभ्यस्त आश्रयादेर्गुणेन सः। तत्प्रबोधाय माल्यर्तुचन्दनेन्दूदयादयः // 37 // उद्दीपनविभावास्ते स तैः सरति वाञ्छति / द्वेष्टि प्रयततेऽवैति मन्यते वक्ति चेष्टते // 38 // तेऽनुभावास्तदा ये स्युः खेदरोमोद्मादयः। हर्षामर्षादयो ये च ज्ञेयाः संचारिणोऽत्र ते // 39 // स्मृतीच्छायत्नजन्मानो मनोवाकायसंश्रयाः। विलासा ये वरस्त्रीणां ज्ञेया लीलादयस्तु ते // 40 // लीला विलासो विच्छित्तिविभ्रमः किलकिश्चितम् / मोट्टायितं कुट्टमितं विव्वोको ललितं तथा // 41 // विहृतं क्रीडितं केलिरिति स्त्रीणां स्वभावजाः। हेलाहावादयश्चान्ये ज्ञेयाः स्त्रीपुंसयोरपि // 42 // 1. 'मविच्छेदः' क.ख. 2. 'वाश्रयश्च' ख. 3. 'परिपोषः' क.ख. 4. रत्यादे:. 5. 'अन्यतः' क.ख.
