________________ 5 परिच्छेदः / सरखतीकण्ठाभरणम् / पञ्चमः परिच्छेदः। रसोऽभिमानोऽहंकारः शृङ्गार इति गीयते / / योऽर्थस्तस्यान्वयात्काव्यं कमनीयत्वमश्नुते // 1 // विशिष्टादृष्टजन्मायं जन्मिनामन्तरात्मसु / आत्मसम्यग्गुणोद्भूतेरेको हेतुः प्रकाशते // 2 // शृङ्गारी चेत्कविः काव्ये जातं रसमयं जगत् / स एव चेदशृङ्गारी नीरसं सर्वमेव तत् // 3 // पश्यति स्त्रीति वाक्ये हि न रसः प्रतिभासते / विलोकयति कान्तेति व्यक्तमेव प्रतीयते // 4 // कन्ये कामयमानं मां त्वं न कामयसे कथम् / इति ग्राम्योऽयमात्मा वैरस्यायैव कल्पते // 5 // कामं कन्दर्पचाण्डालो मयि वामाक्षि निर्दयः। त्वयि निर्मत्सरो दिष्ट्येत्यग्राम्योऽर्थो रसावहः // 6 // नवोऽर्थः सूक्तिरग्राम्या श्रव्यो बन्धः स्फुटा श्रुतिः / अलौकिकार्था युक्तिश्च रसमाहर्तुमीशते // 7 // वक्रोक्तिश्च रसोक्तिश्च स्वभावोक्तिश्च वाङ्मयम् / सर्वासु ग्राहिणी तासु रसोक्ति प्रतिजानते // 8 // भावो जन्मानुबन्धोऽथ निष्पत्तिः पुष्टिसंकरौ।' हासाभासौ शमः शेषो विशेषः परिशेषवान् // 9 // विप्रलम्भोऽथ संभोगस्तच्चेष्टास्तत्परीष्टयः / निरुक्तयः प्रकीर्णानि प्रेमाणः प्रेमपुष्टयः // 10 // 1. 'अलौकिकार्थयुक्तिश्च' क.ख. 2. 'सर्वानुग्राहिणीम्' क. 3. अथ चतुर्विशतिरसोक्तीराह. 4. 'अर्थनिष्पत्तिः' क.ख, 5. 'परिपोषवान्' क.ख.. 6. परीक्षाः.
