________________ 430 काव्यमाला। चिरोत्सृष्टेषु रागेषु प्रीतिगच्छेत्पराभवम् // रागायतनसंस्मारि यदि न स्यानखक्षतम् / रेखास्तिस्रश्चतस्रश्च वक्रा वक्राकृतिर्नखः // ' इति / अत्र श्लेषालंकारेणोपहितत्वादेव संकीर्णरूपकता // इति रूपकालंकारनिरूपणम् / साम्यालंकारनिरूपणम् / साम्यलक्षणमाह द्वयोर्यत्रोक्तिचातुर्यादौपम्यार्थोऽवगम्यते / उपमारूपकान्यत्वे साम्यमित्यामनन्ति तत् // 34 // तदानन्त्येन भेदानामसंख्यं तस्य तूक्तयः / दृष्टान्तोक्तिः प्रपञ्चोक्तिः प्रतिवस्तूक्तिरेव च // 35 // तत्रेवादेः प्रयोगेण दृष्टान्तोक्तिं प्रचक्षते / इवादेरप्रयोगेण प्रपञ्चोक्तिं. मनीषिणः // 36 // वस्तु किंचिदुपन्यस्य न्यसनात्तत्सधर्मणः। साम्यप्रतीतिरस्तीति प्रतिवस्तूक्तिरुच्यते // 37 // तत्र क्रियाजातिगुणद्रव्ययोगादिहेतुके / साम्ये पूर्वादिभेदेन दृष्टान्तोक्तिर्विधीयते // 38 // सा क्रियायोगनिमित्तसाम्या दृष्टान्तोक्तिः सामान्यतः पूर्वा यथा'स्थितः स्थितामुच्चलितः प्रयातां निषेदुषीमासनबन्धधीरः / जलाभिलाषी जलमाददानां छायेव तां भूपतिरन्वगच्छत् // 49 // ' अत्र दृष्टान्तदाटन्तिकयोरनाविष्टलिङ्गत्वादवश्याभिधेयत्वाच्च स्थित इत्यादिषु न लिङ्गभेददोषः / अभिधीयमानस्थानादिक्रियायोगजनितं साम्यं समस्तमूर्तिमत्साधारणश्च पूर्वमेव छायादृष्टान्तः / सेयं क्रियायोगनिमित्तसाम्या सामान्यतः पूर्वा नाम दृष्टान्तोक्तिः साम्यभेदः //
