________________ 327 3 परिच्छेदः।] सरखतीकण्ठाभरणम् / अत्र विद्यानभ्यासादेः प्रागभावस्य व्यसनादिकारणत्वम् / / प्रध्वंसाभावो यथा 'गतः कामकथोन्मादो गलितो यौवनज्वरः / गतो मोहश्च्युता तृष्णा कृतं पुण्याश्रमे मनः // 32 / ' अत्र कामकथोन्मादगमनादेः प्रध्वंसाभावस्य पुण्याश्रमानुसन्धान कारणत्वम् // अनभ्यासेनेति / यावद्विद्यां नाभ्यस्यन्ति तावन्न धीमद्भिः संसृज्यन्ते, यावचाक्षाणि न निगृह्णन्ति तावद्यसनमिति विवक्षितम् / तेन नात्यन्ताभावसंकरः / आराध्यास्त्वाहुः-'शिक्षापरस्यास्य श्लोकस्याप्यन्यप्रयोजनकतया नात्यन्ताभावसंकरः' इति // इतरेतराभावो यथा-. 'वनान्यमूनि न गृहाण्येता. नद्यो न योषितः / मृगा इमे न दायादास्तन्मे नन्दति मानसम् // 33 // ' अत्र वनानि अमूनि न गृहाणीत्यादेरितरेतराभावस्य मनःप्रमोदकारणत्वम् // वनान्यमूनीति / इदमिदं न भवतीति प्रतीतिसाक्षिक एवान्योन्याभावः / वैधर्म्य तु भेदाख्यमलंकारान्तरं किंचिद्धर्ममन्तर्भाव्यैव खरूपस्यापि भेदव्यवहारपात्रता // अत्यन्ताभावो यथा 'अत्यन्तमसदार्याणामनालोचितचेष्टितम् / .. अतस्तेषु विवर्धन्ते निर्विबन्धा विभूतयः // 34 // ' / अत्रानालोचितचेष्टितस्यात्यन्ताभावो विभूतीनां निर्विनवृद्धिहेतुः / एतेनामावाभावोऽपि व्याख्यातः /
