________________ 298 काव्यमाला। . " . गूढोक्तिद्विधा / मुख्या गौणी च / तयोर्मुख्या यथा"केशव यमुनातीरे व्याहृतवानुषसि हंसिकां कोऽद्य / " कान्ताविरहभयातुरहृदयः प्रायः प्रियेऽहं सः // 352 // " अत्र प्रिये हंस इत्यत्रावर्णलोपे प्रिये अहं स इत्यर्थस्य मुख्ययैव वृत्त्या गूढत्वादियं मुख्या गूढोक्तिर्नाम वाकोवाक्यम् // गौणी यथा'निरर्थकं जन्म गतं नलिन्या यया न दृष्टं तुहिनांशुबिम्बम् / : उत्पत्तिरिन्दोरपि निष्फलैव कृता विनिद्रा नलिनी न येन / / 353 // ताविमौ पूर्वोत्तरार्धयोरन्योन्योक्त्या गूढकामलेखावितीयं गौणी गूढोक्तिर्नाम वाकोवाक्यम् // प्रश्नोत्तरोक्तिर्द्विधा / अविधीयमानहृया प्रतीयमानहृया च / तयोराधा यथा 'क्व प्रस्थितासि करभोरु घने निशीथे प्राणेश्वरो वसति यत्र मनःप्रियो मे / एकाकिनी वद कथं न बिभेषि बाले नन्वस्ति पुङितशरो मदनः सहायः / / 354 // ' ... सेयं हृद्भुतप्रष्टव्यस्यैव स्पष्टमभिधायैवाभिधानादभिधीयमानहृया नाम प्रश्नोक्तिर्वाकोवाक्यम् // द्वितीया यथा कियन्मात्रं जलं विप्र जानुदघ्नं नराधिप / तथापीयमवस्था ते नहि सर्वे भवादृशाः // 355 // * सेयं शब्दविद्यावैशारद्यस्य हृद्यस्य प्रतीयमानत्वात्प्रतीयमानहृयप्रभोत्तरोक्तिर्वाकोवाक्यम् //
