Page Text
________________ 2 परिच्छेदः / सरस्वतीकण्ठाभरणम् / कश्चिदिति // न्यासमाह-गोभूमिकेति / वर्णा मकारव्यतिरिक्ताः समाः मकारसहिताः / समाः समा इति वीप्सा प्रतिवर्ण मकारसाहित्यबोधनार्या // अष्टपत्रमेव कविनामाकं यथा'रातावद्याधिराज्या विसरररसविट्याजवाक्क्ष्मापकारा राका पक्ष्माभशेषा नयनननयनखा (सा) खया स्तव्यमारा / रामा व्यस्तस्थिरत्वा तुहिनननहितुः श्रीः करक्षारधारा राधा रक्षास्तु मह्यं शिवमममवशिव्यालविद्यावतारा // 294 // ' निविष्टाष्टदलन्यासमिदं पादार्घभक्तिभिः / अस्पृष्टकर्णिकं कोणैः कविनामाङ्कमम्बुजम् // 295 // तत्राङ्कः-'राजशेखरकमल' / एतेन चक्रमपि व्याख्यातम् // अष्टपत्रमेव कविनामाङ्कमाह-रातावद्येति / 'गीर्वाणसुभटः कश्चिद्युयुत्सुदैत्यसेनया / तत्कालकृतसांनिध्यां मायादेवीमपूजयत् // ' तथाहि-व्याजो माया सैव वाग्रूपा व्याजशब्दोपपदं वागभिधानं यस्याः सा मह्यं रक्षास्त्विति संबन्धः / रातं दत्तमवद्यं दोषबहुलमाधिराज्यम् , अवद्या आधयो यत्र तादृशं वा राज्यं यया। विशिष्टं सरणं विसरस्ते राति प्रयच्छति यो रसोऽर्थाद्वीरस्तं वेत्ति विन्दति वा / या क्ष्मायां पृथिव्यामपकारः पुनकलत्रादिरूपो यस्याः सकाशादिति गमकत्वाग्रहब्रीहिः / राका पूर्णिमा, द्वादशवर्षदेशीयकन्यारूपा का / पक्ष्माभः शरीरसंलग्नः शेषः सर्पः / यस्या नयनं नीतिस्तानयतीति यन्नयन दृष्टिः / ज्ञानमिति यावत् / तदेव खमात्मा यस्याः / खे व्योम्नि यातीति खया / स्तव्यो मारो मारणं कामो वा यस्याः। सा रामा रमणीया स्त्रीरूपा वा। व्यस्तं विनाशितं स्थिरत्वं यया। तुहिनं नयति प्रापयतीति नयतेडप्रत्यये तुहिननश्चन्द्रस्तस्य नहितुर्जटाजूटे बन्धयितुः परमेश्वरस्य श्रीः शक्तिरूपा / नाति बनातीति नहेर्विचि नहं स्तुतिमासादयतीति / 'सर्वप्रातिपदिकेभ्यः क्विब्वक्तव्यः' इति क्विपि तृजन्तस्य रूपम् / कं सुखं राति ददातीति करस्तस्य क्षारभूता दस्यवस्तेषां खङ्गादिधारेव धारा छेत्री / राधेति देव्याः पौराणिकं नाम / ममेत्यव्ययं भावप्रधानम् / शिवे ममत्वं मान्ति परिच्छिन्दन्ति ये वशिनो योगिनस्तेषामपि व्यालविद्यां क्षुद्रविद्यामवतारयति या सा तथा // न्यासमाह-निविष्टेति / अष्टभिः पादा(रष्टदलविरचना / यद्वर्णाष्टकं नाम्नो
| SR No. | 004397 |
| Book Title | Sarasvatikanthabharanam |
| Original Sutra Author | N/A |
| Author | Dhareshvar Bhojdev, Kedarnath Sharma, Vasudev L Shastri |
| Publisher | Pandurang Jawaji |
| Publication Year | 1934 |
| Total Pages | 894 |
| Language | Sanskrit |
| Classification | Book_Devnagari |
| File Size | 12 MB |