________________ 11 तैलप एव ( परं तैलपपोत्रो विक्रमादित्यो भवेत् ?) विजितः शिरश्छेदपूर्व मुजप्रतीकारो गृहीतश्च / परं मुञ्जमरणकाले भोजदेवो बालक आसीत् तैलपश्च कियताचित् कालेन मृत इति तैलपपोत्रो विक्रमादित्यो विजितः स्यात् / यः किल कल्याणनगरस्याधिपतिरासीत् / अथ विक्रमादित्योत्तराधिकारिणस्तद्भातुर्जयसिंहदेवस्य शकसंवत् 941 काले लिखिते लेखे जयसिंहो मालवसैन्यस्य विजेता भोजरूपकमलस्य कृते चन्द्रत्वेन च वर्णितः। एवमुदयपुरशस्तो कर्णाटकविजेतृत्वेन भोजो वर्णितः / परस्परं युध्यतोरनयोः वस्वविजयवर्णनमुचितमेव / परं विजयोऽत्र भोजस्यैव विशेषतोऽनुमीयते / यतो जयसिंहपुत्रेण सोमेश्वरेणापि भोजविजिगीषया धारोपर्याक्रान्तमासीत् / * काश्मीरको बिहणपण्डितश्च विक्रमाङ्कदेवचरिते सोमेश्वरप्रतापवर्णनमेव चकार'दीपप्रतापानलसंनिधानाद्विभ्रत्पिपासामिव यत्कृपाणः / प्रमारपृथ्वीपतिकीर्तिधारां धारामुदारां कवलीचकार // अगाधपानीयनिमग्नभूरिभूभृत्कुटुम्बोऽपि यदीयखङ्गः। भाग्यक्षयान्मालवभतुरासीदेकां न धारां परिहर्तुमीशः॥ निःशेषनिर्वासितराजहंसः खङ्गेन बालाम्बुदमेचकेन / भोजक्षमाभृद्भुजपञ्जरेऽपि यः कीर्तिहंसी विरसीचकार // भोजक्षमापालविमुक्तधारानिपातमात्रेण रणेषु यस्य। कल्पान्तकालानलचण्डमूर्तिश्चित्रं प्रकोपाग्निरवाप शान्तिम् // यः कोटिहोमानलधूमजालैमलीमसीकृत्य दिशां मुखानि / तत्कीर्तिभिः क्षालयति स्म शश्वदखण्डतारापतिपाण्डुराभिः॥ ध्रुवं रणे यस्य जयामृतेन क्षीवः क्षमाभर्तुरभूत्कृपाणः। एका गृहीता यदनेन धारा धारासहस्रं यशसोऽवकीर्णम् // ' अतो जयसिंहस्य भोजकमलकृते चन्द्रत्ववर्णनं कविकल्पनमात्रं सिध्यति / एवं बिह्नणपण्डितः भोजःक्ष्माभृत्स खल न खलैस्तस्य साम्यं नरेन्द्र स्तत्प्रत्यक्षं किमिति भवता नागतं हा हतास्मि / * यस्य द्वारोड्डुमरशिखरकोडपारावतानां नादव्याजादिति सकरुणा व्याजहारेव धारा // ' ( विक्रमाङ्कदेवचरिते सर्गः 18 श्लो. 96)
