________________ जंबुद्दीवपण्णत्ती व. 4 686 कच्छे इत्थं देवे महिड्डिए...अट्ठो य भाणियव्यो / कहि णं भंते ! महाविदेहे वासे पम्हकूडे णामं वक्वारपव्वए पण्णत्ते ? गोयमा ! णीलवंतस्स० दक्षिणेणं सीयाए महाणईए उत्तरेणं महाकच्छस्स पुरथिमेणं कच्छावईए पचत्थिमेणं एत्थ णं महाविदेहे वासे पम्हकूडे णामं वक्खारपव्वए पण्णत्ते, उत्तरदाहिणायए पाइणपडीणविच्छिण्णे सेर्स जहा चित्तकूडस्स जाव आसयंति० पम्हकूडे चत्तारि कूडा प०, तं०सिद्धाययणकूडे पम्हकूडे महाकच्छकूडे कच्छावइकूडे एवं जाव अट्ठो, पम्हकूडे य इत्थ देवे महिडिए० पलिओवमट्टिइए परिवसइ, से तेण?णं गोयमा! एवं वुच्चइ०। कहि णं भंते ! महाविदेहे वासे कच्छगावई णाम विजए प० ? गो० ! णीलवंतस्स० दाहिणेणं सीयाए महाणईए उत्तरेणं दहावईए महाणईए पञ्चत्थिमेणं पम्हकूडस्स० पुरस्थिमेणं एत्थ णं महाविदेहे वासे कच्छगावई णामं विजए प०, उत्तरदाहिणायए पाईणपडीणविच्छिण्णे सेसं जहा कच्छस्स विजयस्स जाव कच्छगावई यं इत्थ देवे०, कहि णं भंते ! महाविदेहे वासे दहावईकुण्डे णामं कुंडे पणत्ते ? गोयमा ! आवत्तस्स विजयस्स पञ्चस्थिमेणं कच्छगावईए विजयस्स पुरथिमेणं णलवंतस्स० दाहिगिल्ले णियंबे एत्थ णं महाविदेहे वासे दहावईबुंडे णामं वु.ण्डे प० सेसं जहा गाहावईकुण्डस्स जाव अट्ठो, तस्स णं दहावईकुण्डस्स दाहिणेणं तोरणेणं दहादई महाणई पवूढा समाणी कच्छावई आवत्ते विजए दुहा विभयमाणी 2 दाहिणेणं सीयं महाणइं समप्पेइ, सेसं जहा गाहावईए / कहि णं भंते ! महाविदेहे वासे आवत्ते णमं विजए पण्णत्ते ? गोयमा ! णीलवंतस्स वासहरपव्ययस्स दाहिणेणं सीयाए महाणईए उत्तरेणं णलिणकूडस्स वक्खारपव्वयस्स पच्चत्थिमेणं दहावईए महाणईए पुरथिमेणं एत्थ णं महाविदेहे वासे आवत्ते णामं विजए. पण्णत्ते, सेसं जहा कच्छरस विजयस्स इति / कहि णं भंते महाविदेहे वासे णलिणकूडे णामं वक्खारपव्वए पण्णत्ते ? गो०! णीलवंतस्स दाहिणेणं सीयाए उत्तरेणं मंगलावइस्स विजयस्स पच्चत्थिमेणं आवत्तस्स विजयस्स पुरस्थिमेणं एत्थ णं महाविदेहे वासे णलिणकूडे णामं वक्खारपव्वए पण्णत्ते, उत्तरदाहिणायए पाईणपडीणविच्छिष्णे सेसं जहा चित्तकूडस्स जाव आस यंति०, णलिणकूडे णं भंते !0 कइ कूडा प० 1 गोयमा ! चत्तारि कूडा पण्णत्ता, ' तंजहा-सिद्धाययणकुंडे णलिणकूडे आवत्तकूडे मंगलावत्तकूडे, एए कूडा पंचसइया रायहाणींओं उत्तरेणं / कहिणं भंते ! महाविदेहे वासे मंगलावत्ते णामं विजए पण्णत्ते ? गोयमा ! णीलवंतस्स दक्खिणेणं सीयाए उत्तरेणं णलिणकूडस्स पुरथिमेणं पंकावईए पञ्चस्थिमेणं एत्थ णं मंगलावत्ते णामं विजए पण्णत्ते, जहा कच्छस्स विजए
