________________ 688 अनंगपविट्ठसुत्ताणि णायए पाईणपडीणविच्छिण्णे सोलसजोयणसहस्साइं पंच य बाणउए जोयणसए दुण्णि य एगूणवीसइभाए जोयणस्स आयामेणं पंच जोयणसयाई विक्खंभेणं णीलवंतवासहरपव्वयंतेणं चत्तारि जोयणसयाई उड्डे उच्चत्तेणं चत्तारि गाउयसयाइं उव्वेहेणं तयणंतरं च णं मायाए 2 उस्सेहुवेहपरिवुड्डीए परिवड्डमाणे 2 सीयामहाणईअंतेणं पंच जोयणसयाई उड्ढे उच्चत्तेण पंच गाउयसयाइं उव्वेहेणं अस्सखंधसंठाणसंठिए सव्वरयणामए अच्छे सण्हे जाव पडिरूवे उभओ पासिं दोहिं पउमवरवेइयाहिं दोहि य वणसंडेहिं संपरिक्खित्ते, वण्णओ दुण्हवि, चित्तकूडस्स णं वक्खारपव्वयस्स उप्पिं बहुसमरमणिज्जे भूमिभागे पण्णत्ते जाव आसयंति०, चित्तकूडे णं - ते ! वक्खारपव्वए कइ कूडा पण्णत्ता ? गोयमा! चत्तारि कूडा पण्णत्ता, तंजहा-: सिद्धाययणकूडे चित्तकूडे कच्छकूडे सुकन्छकूडे, समा उत्तरदाहिणेणं परुप्परंति, पढमं सीयाए उत्तरेणं चउत्थए णीलवंतस्स वासहरपव्वयस्स दाहिणेणं एत्थ णं चित्तकूडे णामं देवे महिड्डिए जाव रायहाणी सेत्ति // 94 // कहि णं भंते ! जम्बुद्दीवे दीवे महाविदेहे वासे सुकच्छे णामं विजए पण्णत्ते ? गोयमा ! सीयाए महाणईए उत्तरेणं णीलवंतस्स वासहरपव्वयस्स दाहिणेणं गाहावईए महाणईए पञ्चस्थिमेणं चित्तकूडस्स वक्खारपव्वयस्स पुरस्थिमेणं एत्थ णं जम्बुद्दीवे दीवे महाविदेहे वासे सुकच्छे णामं विजए पण्णत्ते, उत्तरदाहिणायए जहेव कच्छे विजए तहेव सुकच्छे विजए, णवरं खेमपुरा रायहाणी सुकच्छे राया समुप्पजइ तहेव सव्वं / कहि णं भंते ! जम्बुद्दीवे 2 महाविदेहे वासे गाहावइकुंडे णामं कुंडे पण्णत्ते ? गो० ! सुकच्छविजयस्स पुरस्थिमेणं महाकच्छस्स विजयस्स पच्चत्थिमेणं णीलवंतस्स वासहरपव्वयस्स दाहिणिल्ले णियम्बे एत्थ णं जम्बुद्दीवे दीवे महाविदेहे वासे गाहावइकुंडे णामं कुण्डे पण्णत्ते, जहेव रोहियंसाकुण्डे तहेव जाव गाहावइदीवे भवणे, तस्स णं गाहावइस्स कुण्डस्स दाहिणिल्लेणं तोरणेणं गाहावई महाणई पवूढा समाणी सुकच्छमहाकच्छविजए दुहा विभयमाणी 2 दाहिणेणं सीयं महाणई समप्पेइ, गाहावई णं महाणई पवहे य मुहे य सव्वत्थ समा पणवीसं जोयणमयं विक्खंभेणं अड्डाइजाई जोयणाई उव्वेहेणं उभओ पासिं दोहिं पउमवरवेइयाहिं दोहि य वणसण्डेहिं जाव दुण्हवि वण्णओ, कहि णं भंते ! महाविदेहे वासे महाकच्छे णामं विजए पण्णत्ते ? गोयभा! णीलवंतरस वासहरपव्वयस्स दाहिणेणं सीयाए महाणईए उत्तरेणं पम्हकूडस्स वक्खारषव्वयस्स पञ्चत्थिमेणं गाहावईए महाणईए पुरस्थिमेणं एत्थ णं महाविदेहे असे महाकच्छे णामं विजए पण्णत्ते, सेसं जहा कच्छविजयस्स (णवरं अरिट्ठा रायहाणी) ज़ाव महा
