________________ - जंबुद्दीवपण्णत्ती व. 4 687 वासे उत्तरद्धकच्छे विजए सिंधुकुंडे णामं कुंडे पण्णत्ते ? गोयमा! मालवंतस्स वक्वारपव्वयस्स पुरस्थिमेणं उसभकूडस्स० पञ्चत्थिमेणं णीलवंतस्स वासहरपव्वयस्स दाहिणिल्ले णियंबे एत्थ णं जम्बुद्दीवे दीवे महाविदेहे वासे उत्तरद्धकच्छविजए सिंधुकुंडे णामं कुंडे पण्णत्ते सर्टि जोयणाई आयामविक्खंभेणं जाव भवणं अट्ठो रायहाणी य णेयव्वा, भरहसिंधुकुंडसरिसं सव्वं णेयव्वं जाव तस्स णं सिंधुकंडस्स दाहिणिल्लेणं तोरणेणं सिंधुमहाणई पवूढा समाणी उत्तरद्धकच्छविजयं एजमाणी 2 सत्तहिं सलिलासहस्सेहिं आपूरेमाणी 2 अहे तिमिसगुहाए वेयपव्वयं दालइत्ता दाहिणकच्छविजयं एजमाणी 2 चोदसहिं सलिलासहस्सेहिं समग्गा दाहिणेणं सीयं महाणइं समप्पेइ, सिंधुमहाणई पवहे य मूले य भरहसिंधुसरिसा पमाणेणं जाव दोहिं वणसंडेहिं संपरिक्खित्ता / कहि णं भंते ! उत्तरद्धकच्छविजए उसभकूडे णामं पव्वए पण्णत्ते ? गोयमा ! सिंधूकुंडस्स पुरथिमेणं गंगाकुण्डस्स पच्चत्थिमेणं णीलवंतस्स वासहरपव्वयस्स दाहिणिल्ले णियंबे एत्थ णं उत्तरद्धकच्छविजए उसहकूडे णामं पव्वए पण्णत्ते अट्ठ जोयणाई उर्दू उच्चत्तण तं चेव पमाणं जाव रायहाणी से णवरं उत्तरेणं भाणियव्वा / कहि णं भंते ! उत्तरद्धकच्छे विजए गंगाकुण्डे णामं कुण्डे पण्णत्ते ? गोयमा ! चित्तकूडस्स वक्वारपव्वयस्स पच्चत्थिमेणं उसहकूडस्स पव्वयस्स पुरस्थिमेणं णीलवंतस्स वासहरपव्वयस्स दाहिणिल्ले णियंबे एत्थ णं उत्तरद्धकच्छे० गंगाकुण्डे णामं कुण्डे पण्णत्ते सर्टि जोयणाई आयामविक्खंभेणं तहेव जहा सिंधू जाव वणसंडेण य संपरिक्खिता। से केण?णं भंते ! एवं वुञ्चइ-कच्छे विजए कच्छे विजए ? गोयमा ! कच्छे विजए वेयड्डस्सं पव्वयस्स दाहिणणं सीयाए महाणईए उत्तरेणं गंगाए महाणईए पच्चत्थिमेणं सिंधूए महाणईए पुरथिमेणं दाहिणद्धकच्छविजयस्स बहुमझदेसभाए एत्थ णं खेमा णामं रायहाणी प० विणीयारायहाणीसरिसा भाणियव्वा, इत्थ णं खेमाए रायहाणीए कच्छे णामं राया समुप्पजई, महयाहिमवंत जाव सव्वं भरहोअवणं भाणियव्वं णिक्खमणवज्जं सेसं भाणियव्वं जाव भुंजए माणुस्सए सुहे, कच्छ णामधेज्जे य कच्छे इत्थ देवे महिडिए जाव पलिओवमट्टिइए परिवसइ, से एएण?णं गोयमा! एवं वुच्चइ-कच्छे विजए कच्छे विजए जाव .णिच्चे // 93 / / कहि णं भंते ! जम्बुद्दीवे दीवे महाविदेहे कासे चित्तकूड़े णामं वक्खारपब्बए पंण्णत्ते 1 गोयमा ! सीयाए महाणईए उत्तरेणं णीलवंतस्स वासहरपव्वयस्स दाहिणणं कच्छविजयस्स पुरथिमेणं सुकच्छविजयस्स पचत्थिमेणं एत्थ णं जम्बुद्दीवे दीवे महाविदेहे वासे चित्तकूडे णामं वक्खारपव्वए पण्णत्ते, उत्तरदाहि
