________________ 684 अनंगपविट्ठसुत्ताणि पउमयमा चेव, कुमुया कुमुयापहा / उप्पलगुम्मा णलिणा, उप्पला उप्पलुजला // 1|| भिंगा भिंगण्पभा चेव, अंजणा कजलप्पभा। सिरिता सिरिमहिया, सिरिचंदा चेव सिरिणिलया // 2 // जम्बूए णं० पुरथिमिल्लस्स भवणस्स उत्तरेणं उत्तरपुरथिमिल्लस्स पासायवडेंसगस्स दक्खिणेणं एत्थ णं कुडे पण्णत्ते अट्ठ जोयणाई उडे उच्चत्तेणं दो जोयणाई उव्वेहेणं मूले अट्ठ जोयणाई आयामविक्खम्भेणं बहुमझदेसभाए छ जोयणाई आयामविक्खम्भेणं उवरिं चत्तारि जोयणाई आयामविक्खम्भेणे-पणवीसट्ठारस बारसेव मूले य मज्झि उवरिं च / सविसेसाई परिरओ कूडस्स इमस्स बोद्धव्वो // 1 // मूले विच्छिण्णे मज्झे संखित्ते उवरि तणुए सव्वकणगामए अच्छे० वेइयावणसंडवण्णओ, एवं सेसावि कूडा इति / जम्बूए णं सुदंस- : णाए दुवालस णामधेजा प०, तं०-सुदंसणा 1 अमोहा 2 य, सुप्पबुद्धा 3 जसोहरा४। विदेहजम्बू 5 सोमणसा 6, णियया 7 णिच्चमंडिया 8 // 1 // सुभद्दा य 9 विसाला य 10, सुजाया 11 सुमणा. 12 विया। सुदंसणाए जम्बूए, णामधेजा दुवालस // 2 // जम्बूए णं० अट्ठट्ठमंगलगा०, से केणतुणं भंते ! एवं वुच्चइ-जम्बू सुदंसणा 2 ? गोयमा ! जम्बूए णं सुदंसणाए अणाढिए णामं देवे जम्बुद्दीवाहिवई परिवसइ महिड्एि०, से णं तत्थ चउण्हं सामाणियसाहस्सीणं जाव आयारक्खदेवसाहस्सीणं जम्बुद्दीवस्स णं दीवस्स जम्बूए सुदंसणाए अणाढियाए रायहाणीए अण्णेसिं च बहूणं देवाण य देवीण य आव विहरइ, से तेणटेणं गो० ! एवं बुच्चइ०, अदुत्तरं च णं गोयमा ! जम्बूसुदंसणा जाव भुविं च 3 धुवा णियया सासया अक्खया जाव अवट्ठिया / कहि णं भंते ! अणाढियस्स देवस्स अणाढिया णामं रायहाणी पण्णत्ता ? गोयमा ! जम्बुद्दीवे 2 मंदरस्स पञ्चयस्स उत्तरेणं जं चेव पुव्वणियं जमिगापमाणं तं चेव णेयव्वं जाव उववाओ अभिसेओ य णिवसेसोत्ति // 90 // से केणटेणं भंते ! एवं बुच्चइ-उत्तरकुरा 2 1 गोयमा ! उत्तरकुराए० उत्तरकुरू णामं देवे परिवसइ महिट्टिए जाव पलिओवमट्टिइए, से तेणटेणं गोयमा ! एवं वुच्चइ-उत्तरकुरा 2, अदुत्तरं च णं जाव सासए..। कहि णं भंते ! महाविदेहे वासे मालवंते णाम वक्खारपब्वए पण्णत्ते ? गोयमा ! मंदरस्स पव्वयस्स उत्तरपुरस्थिमेणं णीलवंतस्स वासहरपव्वयस्स दाहिणेणं उत्तरकुराए० पुरथिमेणं वच्छस्स चक्कवट्टिविजयस्स पचत्थिमेणं एत्थ णं महाविदेहे वासे मालवंते णामं वक्खारपव्वए पण्णत्ते उत्तरदाहिणायए पाईणपडीणविच्छिण्णे जं चेव गंधमायणस्स पमाणं विस्खम्भो य णवर
