Anangpavittha Suttani Bio Suyakhandho

SR No.: 004389
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1984
Total Pages: 746
Language: Sanskrit
Classification: Book_Devnagari, agam_jambudwipapragnapti, agam_jambudwipapragnapti, agam_nirayavalika, agam_kalpavatansika, agam_pushpika, agam_pushpachulika, agam_vrushnidasha, & agam
File Size: 13 MB

Page 86

जंबुद्दीवपण्णत्ती व. 4 677 वीसइभागे जोयणस्स किंचिविसेसाहिए परिक्खेवेणंति, महाविदेहे णं वासे चउविहे चउप्पडोयारे पण्णत्ते, तंजहा-पुन्वविदेहे 1 अवरविदेहे 2 देवकुरा 3 उत्तरकुरा 4, महाविदेहस्स णं भंते ! वासस्स केरिसए आयारभावपडोयारे पण्णत्ते ! गोयमा ! बहुसमरमणिज्जे भूमिभागे पण्णत्ते जाव कित्तिमेहिं चेव अकित्तिमेहिं चेव / महाविदेहे णं भंते ! वासे मणुयाणं केरिसए आयारभावपडोयारे पण्णत्ते ? तेसि णं मणुयाणं छविहे संघयणे छविहे संठाणे पंचधणुसयाई उद्धं उच्चत्तेणं जहण्णणं अंतोमुहुत्तं उक्कोसेणं पुत्वकोडी आउयं पालेति पालेत्ता अप्पेगइया णिरयगामी जाव अप्पेगइया सिझंति जाव अंतं करेंति / से केणटेणं भंते ! एवं बुच्चइ-महाविदेहे वासे 2 1 गोयमा! महाविदेहे णं वासे भरहेरखयहेमवयहेरण्णवयहरिवासरम्मगवासेहिंतो आयामविखम्भसंठाणपरिणाहेणं विच्छिण्णतराए चेव विपुलतराए चेव महंततराए चेव सुप्पमाणतराए चेव महाविदेहा य इत्थ मणूसा परिवसंति, महाविदेहे य इत्थ देवे महिडिए जाव पलिओवमट्टिइए परिवसइ, से तेणटेणं गोयमा ! एवं बुच्चइ-महाविदेहे वासे 2, अदुत्तरं च णं गोयमा ! महाविदेहस्स वासस्स सासए णामधेज्जे पण्णत्ते जंण कयाइ णासि 3... // 85 // कहि णं भंते ! महाविदेहे वासे गंधमायणे णाम पक्खारपव्वए पण्णत्ते ? गोयमा ! णीलवंतस्स वासहरपव्वयस्स दाहिगणं मंदरस्स पव्वयस्स उत्तरपञ्चत्थिमेणं गंधिलावइस्स विजयस्स पुरत्थिमेणं उत्तरकुराए पञ्चत्थिमेणं एत्थ णं महाविदेहे वासे गंधमायणे णामं वक्खारपव्वए पण्णत्ते, उत्तरदाहिणायए पाईणपडीणविच्छिण्णे तीसं जोयणसहस्साइं दुण्णि य णउत्तरे जोयणसए छच्च य एगूणवीसइभाए जोयणस्स आयामेणं णीलवंतवासहरपव्वयं तेणं चत्तारि जोयणसयाई उद्धं उच्चत्तणं चत्तारि गाउयसयाई उव्वेहेणं पंचजोयणसयाई विक्खम्भेणं तयणंतरं च णं मायाए 2 उस्सेहुव्वेहपरिवड्डीए परिवठ्ठमाणे 2 विक्खम्भपरिहाणीए परिहायमाणे 2 मंदरपव्वयं तेणं पंच जोयणसयाई.उडे उच्चत्तेणं पंच गाउयसयाई उम्वेहेणं अंगुलस्स असंखिजइभागं विक्खम्भेणं पण्णत्ते गयदंतसंठाणसंठिए सव्वरयणामए अच्छे०, उभओ पासिं दोहिं पउमवरवेइयाहिं दोहि य वणसंडेहिं सव्वओ समंता संपरिक्खित्ते, गंधमायणस्स णं वक्खारपव्वयस्स उप्पिं बहुसमरमणिज्जे भूमिभागे जाव आसयंति / गंधमायणे णं० वक्खारपव्वए कह कडा पण्णत्ता ? गो० ! सत्त कूडा प०, तंजहा-सिद्धाययणकूडे 1 गंधमायणकूडे 2 गंधिलावईकूडे 3 उत्तरकुरुकूडे 4 फलिहकूडे 5 लोहियक्खकूडे 6 आणंदकूडे 7 / कहिणं भंते ! गंधमायणे वक्खारपव्वए सिद्धाययणकूडे णामं कूडे पण्णत्ते 1 गोयमा !