________________ जंबुद्दीवपण्णत्ती व. 4 671 त्तेणं इक्कतीसं जोयणाई कोसं च आयामविक्खंभेणं जाव सीहासणं सपरिवारं, से केणटेणं भंते ! एवं बुच्चइ-सद्दावेई वट्टवेयड्डपव्वए 2 1 गोयमा ! सद्दावइवट्टवेयड्ढेप्रचए णं खुड्डाखुड्डियासु वाधीसु जाव बिलपंतियासु बहवे उप्पलाइं पउमाई सद्दावइप्पभाई सद्दावइवण्णाई सद्दावइवण्णाभाई सद्दावई य इत्थ देवे महिड्डिए जाव महाणुभावे पलिओमट्टिइए परिवसइ, से गं तत्थ चउण्डं सामाणियसाहस्सीणं जाव रायहाणी मंदरस्स पव्वयस्स दाहिणेणं अण्णंमि जंबुद्दीवे दीवे // 77 // से केणटेणं भंते ! एवं बुच्चइ-हेमवए वासे 2 ? गोयमा!..'चुलहिमवंतेहिं वासहरपव्वएहिं दुहओ समवगूढे णिच्चं हेमं दलइ 2 त्ता णिच्चं हेमं पगासइ हेमवए य इत्थ देवे महिट्टिए० पलिओवमट्टिइए परिवसइ, से तेणटेणं गोयमा ! एवं बुच्चइ-हेमवए वासे हेमवए वासे.॥७८॥ कहि णं भंते ! जंबुद्दीवे 2 महाहिमवते णामं वासहरपव्वए 50 1 गो० ! हरिवासस्स दाहिणेणं हेमवयस्स वासस्स उत्तरेणं पुरत्थिमलवणसमुद्दस्स पच्चस्थिमेणं पञ्चत्थिमल्वणसमुद्देस्स पुरस्थिमेणं एत्थ ण जंबुद्दीवे दीवे महाहिमवंते णामं वासहरपब्वए पण्णत्ते, पाईणपडीणायए उदीणदाहिणविच्छिण्णे पलियंकसंठाणसंठिए दुहा लवणसमुदं पुढे पुरथिमिल्लाए कोडीए जाव पुढे पच्चस्थिमिल्लाए कोडीए पच्चत्थिमिल्लं लवणसमुदं पुढे दो जोयणसयाइं उर्दू उच्चत्तेणं पण्णासं जोयणाई उव्वेहेणं चत्तारि जोयणसहस्साई दोण्णि य दसुत्तरे जोयणसए दस य एगूणवीसइभाए जोयणस्स विक्खंभेणं, तस्स बाहा पुरथिमपच्चत्थिमेणं णव जोयणसहस्साई दोण्णि य छावत्तरे जोयणसए णव य एगूणवीसइभाए णोयणस्स अद्धभागं च आयामेणं, तस्स जीवा उत्तरेणं पाईणपडीणायया दुहा लवणसमुदं पुट्ठा पुरथिमिल्लाए कोडीए पुरथिमिल्लं लवणसमुदं पुट्ठा पञ्चस्थिमिल्लाए जाव पुट्ठा तेवणं ओयणसहस्साई णव य एगतीसे जोयणसए छच्च एगूणवीसइभाए जयणस्स किंचिविसेसाहिए आयामेणं, तस्स धणु दाहिणेणं सत्तावणं जोयणसहस्साई दोणि य तेणउए जोयणसए दस य एगूणवीसइभाए जोयणस्स परिक्खेवेणं, रुयमसंठाणसंठिए सव्वरयणामए अच्छे० उभओ पासिं दोहिं पउमवरवेइयाहिं दोहिं य वणसंडेहिं संपरिक्खित्ते / महाहिमवंतस्स णं वासहरपव्वयस्स उप्पिं बहुसमरमणिज्जे भूमिभागे पण्णत्ते जाव णाणाविहपंचवण्णेहिं मणीहि य तणेहि य उवसोभिए जाव आसयंति सयंति य // 79 // 'महाहिमवंतस्स णं०. बहुमज्झदेसभाए एत्थ णं एगे महापउमद्दहे णामं दहे पण्णत्ते दो जोयणसहस्साई आयामेणं एगं जोयणसहस्सं विक्खंभेणं दस जोयणाई उन्हेणं अच्छे० श्ययामयकूले एवं आयामविक्खंभविहूणा जा चेव पउमद्दहस्स वत्तव्वया
