________________ 662 अनंगपविट्ठसुत्ताणि रयणं सक्कारेइ सम्माणेइ स० 2 ता० एवं तिणि सढे सूयारसए अट्ठारस सेणि-पसेणीओ सक्कारेइ सम्माणेइ स० 2 त्ता० अण्पो य बहवे राईसरतलवर जाव सत्थवाहप्पभिइओ सक्कारेइ सम्माणेइ स० 2 त्ता पडिविसज्जेइ 2 त्ता उप्पिं पासायवरगए जाव विहरइ // 68-1 // भरहस्स रण्णो चक्करयणे 1 दंडरयणे 2 असिरयणे 3 छत्तरयणे 4 एए णं चत्तारि एगिंदियरयणा आउघरसालाए समुप्पण्णा, चम्मरयणे 1 मणिरयणे 2 कागणिरयणे 3 णव य महाणिहिओ एए णं सिरिघरंसि समुप्पणा, सेणावइरयणे 1 गाहावइरयणे 2 वडइरयणे 3 पुरोहियरयणे 4 एए णं चत्तारि मणुयरयणा विणीयाए रायहाणीए समुप्पण्णा, आसरयणे 1 हत्थिरयणे 2 एए णं दुवे पंचिंदियरयणा वेयड्ढगिरिपायमूले समुप्पण्णा, सुभद्दा इत्थीरयणे उत्तरिल्लाए विजाहरसेढीए समुप्पण्णे // 68-2 // तए णं से भरहे राया चउदसण्हं रयणाणं णवप्हं महाणिहीणं सोलसण्हं देवसाहसीणं बत्तीसाए रायसहस्साणं बत्तीसाए उडुकल्लाणियासहस्साणं बत्तीसाए जणवयकल्लाणियासहस्साणं बत्तीसाए बत्तीसइबद्धाणं णाडगसहस्साणं तिण्हं सट्ठीगं सूयारसयाणं अट्ठारसण्हं सेणिप्पसेणीणं चउर सीईए आससयसहस्साणं चउरासीईए दंतिसयसहस्साणं चउरासीईए रहसयसहस्साणं खण्णरईए मणुस्सकोडीणं बावत्तरीए पुरवरसहस्साणं बत्तीसाए जणंवयसहस्साणं छण्णउईए गामकोडीणं णवणउईए दोणमुहसहस्साणं अडयालीसाए पट्टणसहस्साणं चउवीसाए कब्बडसहस्साणं चउव्वीसाए मडंबसहस्साणं वीसाए आगरसहस्साणं सोलसण्हं खेडसहस्साणं चउदसण्हं संवाहसहस्साणं छप्पण्णाए अंतरोदगाणं एगूणपणाए कुरजजाणं विणीयाए रायहाणीए चुलहिमवंतगिरिसागरमेरागस्स केवलकप्पस्स भरहस्स वासम्स अण्णेसिं च बहूणं राईसरतलवर जाव सत्थवाहप्पभिईणं आहेवच्चं पोरेवच्चं भट्टित्तं सामित्तं महत्तरगतं आणाईसरसेणावच्चं कारेमाणे पालेमाणे ओहयणिहएसु कंटएसु उद्धियमलिएसु सव्वसत्तूसु णिज्जिएसु भरहाहिवे णरिंदे वरचंदणचच्चियंगे वरहाररइयवच्छे वरमउडविसिट्ठए वरवत्थभूसणधरे सव्वोउयसुरहिकुसुमवरमल्लसोभियसिरे वरणाडगणाडइजवरइत्थिगुम्मसद्धिं संपरिबुडे सव्वोसहिसव्वरयणसव्वसमिइसमन्गे संपुण्णमणोरहे हयामित्तमाणमहणे पुव्वकयतवप्पभावणिविट्ठसंचियफले भुंजइ माणुस्सए सुहे भरहे णामधेज्जेत्ति // 69 // तए णं से भरहे राया अण्णया कयाइ जेणेव मजणघरे तेणेव उवागच्छइ. 2 ता जाव ससिव्य पियदंसणे गरवई मजणघराओ पडिणिक्खमइ 2 त्ता जेणेव आयंसघरे जेणेव सीहासणे तेणेव उवागच्छइ 2 त्ता सीहासणवरगए पुरत्थाभिमुहे णिसीयइ 2 त्ता आयंसघरंसि अत्ताणं देहमाणे 2
