________________ जंबुद्दीवपण्णत्ती व. 4 663 चिट्ठइ, तए णं बस्स भरहस्स रणो सुभेणं परिणामेणं पसत्थेहिं अज्झवसाणेहिं लेसाहिं विसुज्झमाणीहिं 2 ईहापोहमग्गणगवेसणं करेमाणस्स तयावरणिजाणं कम्माणं खएणं कम्मरयविकिरणकरं अपुवकरणं पविट्ठस्स अणंते अणुत्तरे णिव्वाघाए णिरावरणे कसिणे पडिपुण्णे केवल्वरणाणदंसणे समुप्पण्णे, तए णं से भरहे केवली सयमेवाभरणालंकारं ओमुयइ 2 त्ता सयमेव पंचमुट्ठिय लोयं करेइ 2 त्ता आयंसघराओ पडिणिक्खमइ 2 त्ता अंतेउरमझमज्झेणं णिग्गच्छइ 2 त्ता दसहि रायवरसहस्सेहि सद्धिं संपरिबुडे विणीयं रायहाणिं मझमझेणं णिग्गच्छइ 2 त्ता मज्झदेसे सुहंसुहेणं विहरइ 2 त्ता जेणेव अट्ठावए पव्वए तेणेव उवागच्छइ 2 त्ता अट्ठावयं पव्ययं सणियं 2 दुरूहह २त्ता मेघघणसण्णिगासं देवसण्णिवायं पुढविसिलावट्टयं पडिलेहेइ 2 त्ता संलेहणाझूसणाझूसिए भत्तपाणपडियाइक्खिए . पाओवगए कालं अणवकंखमाणे विहरइ, तए णं से भरहे केवली सत्तत्तरं पुव्वसयसहस्साहं कुमारवासमझे वसित्ता एगं वाससहस्सं मंडलियरायमज्झे वसित्ता छ पुव्वसयसहस्साइं वाससहस्सूणगाई महारायः मज्झे वसित्ता तेसीइपुव्वसयसहस्साई अगावासमज्झे वसित्ता एगं पुव्वसयसहस्सं देसूणगं केवलिपरियायं पाउणित्ता तमेव बहुपडिपुण्णं सामण्णपरियायं पाउणित्ता चउरासीइपुव्वसयसहस्साई सव्वाउयं पाउणित्तामासिएणं भत्तेणं अपाणएणं सवणेणं णक्खत्तेणं जोगमुवागएणं खीणे वेयणिज्जे आउए णामे गोए कालगए वीइक्कते समुजाए छिण्णजाइजरामरणबंधणे सिद्धे बुद्धे मुत्ते परिणिबुडे अंतगडे सव्वदुक्खप्पहीणे // 70 / / इइ भरहचक्किचरियं समत्तं // : भरहे य इत्थ देवे महिड्डिए महज्जुइए जाव पलिओवमट्टिइए परिखसइ, से एएणटेणं गोयमा ! एवं बुच्चइ-भरहे वासे 2 इति / अदुत्तरं च णं गो० ! भरहस्स वासस्स सासए णामधेज्जे पण्णत्ते ज ण कयाइ णं आसि ण कयाइ णत्थि ण कयाइ ण भविस्सइ भुवि च भवइ य भविस्सइ य धुवे णियए सासए अक्खए अव्वए अवष्टुिंए णिच्चे भरहे वासे // 71 // तइओ वक्खारो समत्तो॥ * चउत्थो वक्खारो कहि णं भंते ! जंबुद्दीवे 2 चुल्लहिमवंते णामं वासहरपव्वए पण्णत्ते ? गोयमा ! हेमवयस्स वासस्स दाहिणेणं भरहस्स वासस्स उत्तरेणं पुरथिमलवणसमुद्देस्स पञ्चत्थिमेणं पञ्चत्थिमलवणसमुद्दस्स पुरस्थिमेणं एत्थ णं जंबुद्दीवे दीवे चुलहिमवंते णामं
