Anangpavittha Suttani Bio Suyakhandho

SR No.: 004389
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1984
Total Pages: 746
Language: Sanskrit
Classification: Book_Devnagari, agam_jambudwipapragnapti, agam_jambudwipapragnapti, agam_nirayavalika, agam_kalpavatansika, agam_pushpika, agam_pushpachulika, agam_vrushnidasha, & agam
File Size: 13 MB

Page 70

जंबुद्दीवपण्णत्ती व. 3 तहेव जाव अमिथुगंति य सोलस देवसहस्सा एवं चेव णवरं पम्हलसुकुमालाए जाव मउड पिणति, तयणंतरं च णं दद्दरमलयसुगंधिएहिं गंधेहिं गायाइं अन्भुक्खेति दिव्वं च सुमणोदामं पिणद्वेति, किं बहुणा ? गंठिमवेढिम जाव विभूसियं करेंति तए णं भरहे राया महया 2 रायाभिसेएणं अभिसिंचिए समाणे कोडंबियपुरिसे सद्दावेइ 2 त्ता एवं वयासी-खिप्पामेव भो देवाणुप्पिया ! हत्थिखधवरगया विणीयाए रायहाणीए सिंघाडगतिगचउक्कचच्चर जाव महापहपहेसु महया 2 सद्देणं उग्घोसेमाणा 2 उस्सुक्कं उक्करं उक्किटुं अदिज्जं अमिज्जं अभडप्पवेसं अदंडकुदंडिमं जाव सपुरजणजाणवयं दुवालससंवच्छरियं पमोयं घोसेह 2 त्ता ममेयमाणत्ति यं पञ्चप्पिणहत्ति, तए णं ते कोडुबियपुरिसा भरहेणं रण्णा एवं वुत्ता समाणा हद्वतुट्ठचित्तमाणंदिया पीइमणा० हरिसवसविसप्पमाणहियया विणएणं वयणं पडिसुणेति २त्ता खिप्पामेव हत्थिखंधवरगया जाव घोसेंति 2 त्ता एयमाणत्तियं पञ्चप्पिणंति, तए णं से भरहे राया मह्या 2 रायाभिसेएणं अभिसित्ते समाणे सीहासणाओ अब्भुटेइ 2 त्ता इत्थिरयणेणं जाव णाडगसहस्सेहिं सद्धिं संपरिबुडे अभिसेयपेढाओ पुरथिमिल्लेणं तिसोवाणपडिरूवएणं पच्चोरुहइ 2 त्ता अभिसेयमंडवाओ पडिणिक्खमइ 2 त्ता जेणेव आभिसेक्के हत्थिरयणे तेणेव उवागच्छह 2 त्ता अंजणगिरिकूडसण्णिभं गयवइं जाव दुरूढे, तए णं तस्स भरहस्स रण्णो बत्तीसं रायसहस्सा अभिसेयपेढाओ उत्तरिल्लेणं तिसोवाणपडिरूवएणं पच्चोहंति, तए णं तस्स भरहस्स रण्णो सेणावहरयणे जाव सत्थवाहप्पभिइओ अभिसेयपेढाओ दाहिणिल्लेणं तिसोवाणपडिरूवएणं पच्चोरुहंति, तए णं तस्स भरहस्स रण्णो आभिसेक्कं हत्थिरयणं दुरूढस्स समाणस्स इमे अट्ठमंगलगा पुरओ आव संपट्ठिया, जोऽविय अइगच्छमाणस्स गमो पढमो कुबेरावसाणो सो चेव इहंपि कमो सक्कारजढो णेयव्वो जाव कुबेरोव्व देवराया केलासं सिहरिसिंगभूयंति / तए णं से भरहे राया मजणघरं अणुपविसइ 2 त्ता जाव भोयणमंडवंसि सुहासणवरगए अट्ठमभत्तं पारेइ 2 त्ता भोयणमंडवाओ पडिणिक्खमइ 2 त्ता उप्पिं पासायवरगए फुट्टमाणेहिं मुइंगमत्थएहिं जाव भुंजमाणे विहरइ, तए णं से भरहे राया दुवालससंवच्छरियंसि पमोयंसि णिवत्तंसि समाणंसि जेणेव मजणघरे तेणेव उबागच्छइ 2 त्ता जाव मजणघराओ परिणिक्खमइ 2 त्ता जेणेव बाहिरिया उवट्ठाणसाला जाव सीहासणवरगए पुरस्थाभिमुहे णिसीयइ 2 त्ता सोलस देवसहस्से सक्कारेइ सम्माणेइ स० 2 त्ता पडिविसज्जेइ २त्ता बत्तीसं रायवरसहस्सा सक्कारेइ सम्माणेइ स० 2 त्ता० सेणावइरयणं सक्कारेइ सम्माणेइ स०२त्ता जाव पुरोहिय