________________ अनंगपविद्वसुत्ताणि णसवि जाव अपडिबुज्झमाणे 2 विणीयं रायहाणिं मझमज्झेणं णिग्गच्छइ 2 त्ता जेणेव विणीयाए रायहाणीए उत्तरपुरस्थिमे दिसीभाए अभिसेयमंडवे तेणेव उवागच्छइ 2 त्ता अभिसेयमंडवदुवारे आभिसेक्कं हत्थिरयणं ठावेइ 2 त्ता आभिसेकाओ हत्थिरयणाओ पच्चोरुहइ 2 त्ता इत्थीरयणेणं बत्तीसाए उडुकल्लाणियासहस्सेहिं बत्तीसाए जणवयकल्लाणियासहस्सेहिं बत्तीसाए बत्तीसइबद्धेहिं णाडगसहस्सेहिं सद्धिं संपरिखुडे अभिसेयमंडवं अणुपविसइ 2 त्ता जेणेव अभिसेयपेढे तेणेव उवागच्छइ 2 त्ता अभिसेयपेढं अणुप्पयाहिणीकरेमाणे 2 पुरथिमिल्लेणं तिसोवाणपडिरूवएणं दुरूहइ 2 त्ता जेणेव सीहासणे तेणेव उवागच्छइ 2 त्ता पुरत्थाभिमुहे सण्णिसण्णे / तए णं तस्स भरहस्स रण्णो बत्तीसं रायसहस्सा जेणेव अभिसेयमण्डवे तेणेव उवागच्छंति 2 त्ता अभिसेयमंढवं अणुपविसंति 2 त्ता अभिसेयपैढं अणुप्पयाहिणीकरेमाणा 2 उत्तरिल्लेणं तिसोवाणपडिरूवएणं जेणेव भरहे राया तेणेव उवागच्छंति २त्ता करयल जाव अंजलिं कट्ट भरहं रायाणं जएणं विजएणं वद्धाति 2 त्ता भरहस्स रण्णो णञ्चासण्णे णाइदूरे सुस्सूसमाणा जाव पज्जुवासंति, तए णं तस्स भरहस्सरण्णो सेणावइरयणे जाव सत्थवाहप्पभिइओ तेऽवि तह चेव णवरं दाहिणिल्लेणं तिसोवाणपडिरूवएणं जाव पज्जुवासंति, तए णं से भरहे राया आभिओगे देवे सद्दावेइ 2 त्ता एवं वयासीखिप्पामेव भो देवाणुप्पिया ! ममं महत्थं महन्धं महरिहं महारायाभिसेयं उवट्ठवेह, तए णं ते आभिओइया देवा भरहेणं रण्णा एवं वुत्ता समाणा हट्टतुट्ठचित्त जाव उत्तरपुरस्थिमं दिसीभागं अवकमंति अवक्कमित्ता वेउब्वियसमुन्धाएणं समोहणंति, एवं जहा विजयस्स तहा इत्यपि जाव पंडगवणे एगओ मिलायंति एगओ मिलाइत्ता जेणेव दाहिणड्डभरहे वासे जेणेव विणीया रायहाणी तेणेव उवागच्छंति 2 त्ता विणीयं रायहाणिं अणुप्पयाहिणीकोमाणा 2 जेणेव अभिसेयमंडवे जेणेव भरहे राया तेणेव उवागच्छंति 2 त्ता तंमहत्थं महग्धं महरिहं महारायाभिसेयं उवति, तए णं तंभरहं रायाणं बत्तीसं रायसहस्सा सोभणंसि तिहिकरणदिवसणक्खत्तमुहत्तंसि उत्तरपोट्टवयाविजयंसि तहिं साभाविएहि य उत्तरवेउविएहि य वरकमलपइट्टाणेहिं सुरभिवरवारिपडिपुण्णेहिं जाव महया महया रायाभिसेएणं अभिसिंचंति, अभिसेओ जहा विजयस्स, अभिसिंचित्ता पत्तेयं 2 जाव अंजलिं कट्ट ताहिं इट्ठाहिं जहा पविसंतस्स० भणिया जाव विहराहित्तिकट्ट जयजयसई पउंजंति / तए णं तं भरहं रायाणं सेणावइरयणे जाव पुरोहियरयणे तिण्णि य सट्ठा सूयसया अट्ठारस सेणिप्पसेणीओ अण्णे य बहवे जाव सत्थवाहप्पभिइओ एवं चेव अभिसिंचंति तेहिं वरकमलपइट्ठाणेहि
