________________ 1242 अनंगपविट्ठसुत्ताणि संखेजा लोगा, असंखेजएणं लोगो गुणिओ असंखेजा लोगा, अणंतेणं लोगो गुणिओ अणंता लोगा। एएसि णं सेढी अंगुलपयरंगुलघणंगुलाणं कयरे कयरेहितो अप्पे वा बहुए वा तुल्ले वा विसेसाहिए वा ? सव्वत्थोवे सेढीअंगुले, पयरंगुले असंखेजगुणे, घणंगुले असंखेजगुणे / सेत्तं पमाणंगुले / सेत्तं विभागणिप्पण्णे / सेत्तं ग्वेत्तप्पमाणे // 134 // से किं तं कालापमाणे ? कालप्पमाणे दुविहे पण्णत्ते / तंजहापएसणि फण्णे य 1 विभागणि'फण्णे य 2 // 135 // से किं तं पएसणिप्पण्णे ! पएसणिप्फण्णे-एगसमयढिईए, दुसमयढिईए, तिसमयट्टिईए जाव दससमयट्टिईए, संखिजसमयट्टिईए, असंखिजसमट्टिईए / से तं पए सणिप्पण्णे / / 136 // से किं तं विभागणिप्पण्णे ? विभागणिप्फण्णे-गाहा-समयावलिय मुहुत्ता, दिवस अहोरत्त पक्ख मासा य / संवच्छर जुग पलिया, सागर ओसप्पि परियट्टा // 1 // 137 // से किं तं समए ? समयस्स णं परूवणं करिस्सामि-से जहाणामए तुण्णागदारए सिया-तरुणे, बलवं, जुगवं, जुबाणे, अप्पायंके, थिरग्गहत्थे, दढपाणिपायपासपिटुंतरोरुपरिणए, तलजमलजुयलपरिघणिभबाहू', चम्मेट्ठगदुहणमुट्टियसमाहयाणिचियगत्तकाए, उरस्सबलसमण्णागए, लंघणपवणजइणवायामसमत्थे, ईए, दवखे, पत्तटे, कुसले, मेहावी, णिउणे, णितणसिप्पोवगए,एगं महइं पडसाडियं वा पट्टसाडियं वा गहाय सयराहं हत्थमेत्तं ओसारैना, तत्थ चोयए पण्णवयं एवं वयासीजेणं कालेणं तेणं तुण्णागदारएणं तीसे पडसाडियाए वा पट्टसाबियाए वा सयराहं हत्थमेत्ते ओसारिए से समए भवइ ? णो इणढे समढे / कम्हा ? जम्हा संखेजाणं तंतूणं समुदयसमितिसमागमेणं एगा पडसाडिया .णिप्फजइ, उवरिल्लग्मि तंतुम्मि अच्छिण्णे हिडिल्ले तंतू ण छिजइ, अण्णम्मि काले उवरिल्ले तंतू छिजइ, अण्णाग्म काले हिट्ठिल्ले तंतू छिजइ, तम्हा से समए ण भवइ / एवं वयंतं पण्ण्वयं चोयए एवं वयासी-जेणं कालेणं तेणं तुण्णागदारएणं तीसे पडसाडियाए वा पट्टसाडियाए वा उवरिल्ले तंतू छिण्णे से समए भवइ ? ण भवइ / कम्हा ? जग्हा संखेजाणं पम्हाणं समुदयसमिइसमागमेणं एगे तंतू णि फजइ, उवरिल्ले पम्हे अच्छिण्णे हिडिल्ले पम्हे ण छिजइ, अण्णम्मि काले उवरिल्ले पम्हे छिजइ, अण्णम्मि काले हिडिल्ले पम्हे छिजइ, तम्हा से समए ण भवइ / एवं घयंतं पण्णवयं चोयए एवं वयासी-जेणं कालेणं तेणं तुण्णागदारएणं तस्स तंतुस्स उवरिल्ले पम्हे छिण्णे से समए भवइ ? ण भवइ / कम्हा ? लम्हा अणंताणं संघायाणं समुदयसमिइसमा. गमेणं एगे पम्हे णिप्फजइ,उवरिल्ले संघाए भविसंघाइए हेडिल्ले संघाए ण विसंघा
