________________ 654 अनंगपविट्ठसुत्ताणि परिग्गहियं जाव अंजलिं कटु भरहं रायं जएणं विजएणं वद्धावेइ 2 ता अग्गाई वराई रयणाई उवणेइ / तए णं से भरहे राया सुसेणस्स सेणावइस्स अग्गाई वराई रयणाई पडिच्छइ २त्ता सुसेणं सेणावई सकारेइ सम्माणेइ स०२त्ता पडिविसज्जेइ, तए णं से सुसेणे सेणावई भरहस्स रण्णो सेसंपि तहेव जाव विहरइ, तए णं से भरहे राया अण्णया कयाइ सुसेणं सेणावइरयणं सद्दावेइ 2 त्ता एवं वयासी-च्छ णं भो देवाणुप्पिया ! खंडगप्पवायगुहाए उत्तरिल्लस्स दुवारस्स कवाडे विहाडेहि 2 त्ता जहा तिमिसगुहाए तहा भाणियव्वं जाव पियं मे भवउ सेसं तहेव जाव भरहो उत्तरिल्लेणं दुवारेणं अईइ ससिव्व मेहंधयारणिवहं तहेव पविसंतो मंडलाइं आलिहइ, तीसे गं खंडगप्पवायगुहाए बहुमज्झदेसभाए जाव उम्मग्गणिमग्गजलाओ णामं दुवे महाणईओ तहेव णवरं पच्चत्थिमिल्लाओ कडगाओ पyढाओ समाणीओ पुरत्थिमेणं गंग महाणइं समप्पेंति, सेसं तहेव णवरं पञ्चस्थिमिल्लेणं कूलेणं गंगाए संकमवत्तव्वया तहेवत्ति, तए ण खंडगप्पवायगुहाए दाहिणिल्लस्स दुवारस्स कवाडा सयमेव महया 2 कोंचावं करेमाणा सरसरस्स सगाइं ठाणाई पच्चोसक्कित्था,तए णं से भरहे राया चक्करयणदेखियमग्गे जाव खंडगप्पवायगुहाओ दक्खिणिल्लेणं दारेणं णीणेइ ससिव्व मेहंधयारणिवहाओ // 65 // तए णं से भरहे राया गंगाए महाणईए पच्चस्थिमिल्ले कूले दुवालसजोयणायाम णवजोयणविच्छिण्णं ज़ाव विजयखंधावारणिवेसं करेइ, अवसिटुं तं चेव जाव णिहिरयणाणं अट्ठमभत्तं पगिण्हइ, तए णं से भरहे राया पोसहसालाए जाव णिहिरयणे मणसि करेमाणे करेमाणे चिट्ठइ, तस्स य अपरिमियरत्तरयणा धुयमक्खयमव्वया सदेवा लोकोपचयंकरा उवगया णव णिहिओ लोगविस्सुयजसा, तंजहाणेसप्पे 1 पंडुयए 2 पिंगलए 3 सव्वरयण 4 महपउमे। काले 6 य महाकाले 7 माणवगे महाणिही 8 संखे ९॥१॥णेसप्पंमि णिवेसा गामागरणगरपट्टणाणं च / दोणमुहमडंबाणं खंधावारावणगिहाणं // 1 // गणियस्स य उप्पत्ती माणुम्माणस्स जं पमाणं च / धण्णस्स य बीयाण य उप्पत्ती पंडुए भणिया // 2 // सव्वा आभरणविही पुरिसाणं जा य होइ महिलाणं / आसाण य हत्थीण य पिंगलगणिहिमि सा भणिया // 3 // रयणाई सव्वरयणे चउदसवि वराइं चक्कवट्टिस्स / उप्पज्जंते एगिदियाई पंचिंदियाइं च // 4 // वत्थाण य उप्पत्ती णिप्फत्ती चेव सव्वभत्तीणं / रंगाण य धोव्वाण य सव्वाएसा महापउमे // 5 // काले कालण्णाणं सव्वपुराणं च तिसुवि वंसेसु / सिप्पसयं कम्माणि य तिण्णि पयाए हियकराणि // 6 // लोहस्स य उप्पत्ती होई
