________________ जंबुद्दीवपण्णत्ती व. 3 653 गइउण्णय तिगंभीरं ।तिसु कालं तिसु सेयं, तियाययं तिसु य विच्छिणं ॥१॥समसरीरं भरहे वासंमि सव्वमहिलप्पहाणं सुंदरथणजहणवरकरचलणणयणसिरसिजदसणजणहिययरमणमणहरि सिंगारागार जाव जुत्तोवयारकुसलं अमरवहणं सुरूवं स्वेणं अणुहरंतिं सुभदं भदंमि जोव्वणे वट्टमाणिं इत्थीरयणं णमी य रयणाणि य कडगाणि य तुडियाणि य गेण्हइ 2 त्ता ताए उक्किट्ठाए तुरियाए जाव उद्धृयाए विजाहरगईए जेणेव भरहे राया तेणेव उवागच्छंति 2 त्ता अंतलिक्खपडिवण्णा सखिंखिणियाइं जाव जएणं विजएणं वद्धाति २त्ता एवं वयासी-अमिजिए णं देवाणुप्पिया! जाव अम्हे देवाणुप्पियाणं आणत्तिकिंकरा इतिकट्ट तं पडिच्छंतु णं देवाणुप्पिया! अम्हं इम जाव विणमी. इत्यीरयणं णमी रयणाणि० समप्पेइ / तए णं से भरहे राया जाव पडिविसज्जेइ 2 त्ता पोसहसालाओ पडिणिक्खमइ 2 त्ता मजणघरं अणुपविसइ 2 त्ता भोयणमंडवे जाव णमिविणमीण विजाहरराईणं अट्ठाहियमहामहिमा, तए णं से दिव्वे चक्करयणे आउहघरसालाओ पडिणिक्खमइ जाव उत्तरपुरस्थिमं दिसिं गंगादेवीभवणामिमुहें पयाए यावि होत्था, सच्चेव सव्वा सिंधुवत्तव्वया जाव णवरं कुंभट्ठसहस्सं रयणचित्तं णाणामणिकणगरयणभत्तिचित्ताणि य दुवे कणगसीहासणाई सेसं तं चेव जाव महिमत्ति // 64 // तए णं से दिव्वे चक्करयणे गंगाए देवीए अट्ठाहियाए महामहिमाए णिव्वत्ताए समाणीए आउहघरसालाओ पडिणिक्खमइ 2 त्ता जाव गंगाए महाणईए पञ्चस्थिमिल्लेणं कूलेणं दाहिणदिसिं खंडप्पवायगुहाभिमुहे पयाए यावि होत्था, तए णं से भरहे राया जाव जेणेव खंडप्पवायगुहा तेणेव उवागच्छइ 2 त्ता सव्वा कयमालगवत्तव्वया णेयव्वा णवरं णट्टमालगे देवे पीइदाणं से आलंकारियभंड कडगाणि य सेसं सव्वं तहेव जाव अट्टाहिया महाम० / तए णं से भरहे राया णट्टमालगस्स देवस्स अट्ठाहियाए म० णिवत्ताए समाणीए सुसेणं सेणावई सद्दावेइ 2 त्ता जाव सिंधुगमो णेयव्यों जाव गंगाए महाणईए पुरथिमिल्लं णिक्खुडं सगंगासागरगिरिमेरागं समविसमणिक्खुडाणि य ओअवेह 2 ता अम्गाणि वराणि रयणाणि पडिच्छइ 2 त्ता जेणेव गंगा महाणई तेणेव उवागच्छइ 2 त्ता दोच्चंपि सक्खंधावारबले गंगामहाणई विमलजलतुंगवीइं णावाभूएणं चम्मरयणेणं उत्तरइ २त्ता जेणेव भरहस्स रण्णो विजयखंधावारणिवेसे जेणेव बाहिरिया उवट्ठाणसाला तेणेव उवागच्छइ 2 त्ता आभिसेक्काओ हत्थिरयणाओ पच्चोरुहइ 2 त्ता अग्गाई वराई रयणाई गहाय जेणेव भरहे राया तेणेव उवागच्छइ 2 ता करयल
