________________ 652 अनंगपविट्ठसुत्ताणि सरे भरहेणं रण्णा उर्दु वेहासं णिसढे समाणे खिप्पामेव बावत्तरि जोयणाई गंता चुल्लहिमवंतगिरिकुमारस्स देवस्स मेराए णिवइए, तए णं से चुल्लहिमवंतगिरिकुमारे देवे मेराए सरं णिवइयं पासइ 2 त्ता आसुरुत्ते रुठे जाव पीइदाणं सव्वोसहिं च मालं गोसीसचंदणं च कडगाणि जाव दहोदगं च गेण्हइ 2 ता ताए उक्किट्ठाए जाव उत्तरेणं चुलहिमवंतगिरिमेराए अहण्ण देवाणुप्पियाणं विसयवासी जाव अहण्णं देवाणुप्पियाणं उत्तरिल्ले अंतवाले जाव पडिविसज्जेइ // 62 // तए णं से भरहे राया तुरए णिगिण्हइ 2 त्ता रहं परावत्तेइ 2 त्ता जेणेव उसहकूडे तेणेव उवागच्छइ 2 त्ता उसहकूडं पव्वयं तिक्खुत्तो रह सिरेणं फुसइ 2 त्ता तुरए णिगिण्हइ 2 त्ता रहं ठवेइ 2 त्ता छत्तलं दुवालसंसियं अट्ठकण्णियं अहिंगरणिसंठियं सोवणियं कागणिरयणं परामुसइ 2 त्ता उसभकूडस्स पव्वयस्स पुत्थिमिल्लंसि कडगंसि णामगं आउडेह-ओसप्पिणीइमीसे तइयाएँ समाइ पच्छिमे भाए / अहमंसि चक्कवट्टी भरहो इय णामधिज्जेणं // 1 // अहमंसि पढमराया अयं भरहाहिवो णरवरिंदो। णत्थि महं पडिसत्तू जियं मए भारहं वासं // 2 // इतिकट्ट णामगं आउडेइ णामगं आउडित्ता रहं परावत्तेइ 2 त्ता जेणेव विजयखंधावारणिवेसे जेणेव बाहिरिया उवट्ठाणसाला तेणेव उवागच्छइ 2 त्ता जाव चुल्लहिमवंतगिरिकुमारस्स देवस्स अट्टाहियाए महामहिमाए णिवत्ताए समाणीए आउहघरसालाओ पडिणिक्खमइ 2 त्ता जाव दाहिणदिसि वेयडपव्ययाभिमुहे पयाए यावि होत्था // 53 // तए णं से भरहे राया तं दिव्वं चक्करयणं जाव वेयड्स्स पव्वयस्स उत्तरिल्ले णियंबे तेणेव उवागच्छइ 2 त्ता वेयदुस्स पव्वयस्स उत्तरिल्ले णियंबे दुवालसजोयणायामं जाव पोसहसालं अणुपविसइ जाव णमिविणमीणं विजाहरराईणं अट्ठमभत्तं पगिण्हइ २त्ता पोसहसालाए जाव णमिविणमिविजाहररायाणो मणसीकरेमाणे 2 चिट्ठइ, तए णं तस्स भरहस्स रण्णो अट्ठमभत्तसि परिणममाणंसि णमिविणमीविजाहररायाणो दिव्वाए मईए चोइयमई अण्णमण्णस्स अंतियं पाउन्भवंति २त्ता एवं वयासी-उप्पण्णे खलु भो देवाणुप्पिया! जंबुद्दीवे दीवे भरहे वासे भरहे राया चाउरंतचक्कवट्टीतं जीयमेयं तीयपच्चुप्पण्णमणागयाणं विजाहरराईणं चक्कवट्टीणं उवत्थाणियं करेत्तए, तं गच्छामो णं देवाणुप्पिया ! अम्हेवि भरहस्स रण्णो उवत्थाणियं करेमोत्तिकट्ट विणमी णाऊणं चकवट्टि दिव्याए मईए चोइयमई माणुम्माणप्पमाणजुत्तं तेयस्सि रूवलक्खणजुत्तं ठियजुब्वणकेसवट्ठियणहं सव्वरोगणासणि बलकरि इच्छिसीउण्हफासजुत्तं-तिसु तणुयं तिसुतंबं तिवली
