________________ जंबुद्दीवपण्णत्ती व. 3 651 राया तेणेव उवागच्छंति 2 त्ता करयलपरिग्गहियं जाव मत्थए अंजलिं कट्ट भरहं रायं जएणं विजएणं वद्धाविति 2 त्ता अग्गाई वराई रयणाई उवणेप्ति 2 त्ता एवं वयासी-गाहाओ-वसुहर गुणहर जयहर, हिरिसिरिधीकित्तिधारगणरिंद / लक्खणसहस्सधारग रायमिदं णे चिरं धारे॥१॥ हयवइ गयवइ णरवइ णवणिहिवइ भरहवासपढमवई / बत्तीसजणवयसहस्सराय सामी चिरं जीव // 2 // पढमणरीसर ईसर हियईसर महिलियासहस्साणं / देवसयसाहसीसर चोद्दसरयणीसर जसंसी // 3 // सागरगिरिमेरागं उत्तरवाईणमभिजियं तुमए / ता अम्हे देवाणुप्पियस्स विसए परिवसामो // 4 // अहो णं देवाणुप्पियाणं इड्डी जुई जसे बले वीरिए पुरिसकारपरकमे दिव्वा देवजुई दिव्वे देवाणुभावे लद्धे पत्ते अभिसमण्णागए, तं दिट्ठा णं देवाणुप्पियाणं इड्डी एवं चेव जाव अमिसमण्णागए, तं खामेमु णं देवाणुप्पिया ! खमंतु णं देवाणुप्पिया ! खंतुमरहंतु णं देवाणुप्पिया ! णाई भुज्जो 2 एवं करणयाएत्तिकट्ट पंजलिउडा पायवडिया भरहं रायं सरणं उविति / तए णं से भरहे राया तेसिं आवाडचिलायाणं अग्गाइं वराई रयणाई पडिच्छइ २त्ता ते आवाडचिलाए एवं वयासीगच्छह णं भो तुब्मे ममं बाहुच्छायापरिगगहिया णिब्भया णिसव्विगा सुहंसुहेणं परिवसह, णत्थि मे कत्तोवि भयमस्थित्तिकटु सकारेइ सम्माणेइ सक्कारेत्ता सम्माणेत्ता पडिविसज्जेइ / तए णं से भरहे राया सुसेणं सेणावई सद्दावेइ 2 त्ता एवं वयासीगच्छाहि णं भो देवाणुप्पिया ! दोच्चंपि सिंधूए महाणईए पञ्चस्थिमं णिक्खुडं ससिंधुसागरगिरिमेरागं समविसमणिक्खुडाणि य ओअवेहि 2 त्ता अग्गाइं वराइं रयणाई पडिच्छाहि 2 त्ता मम एयमाणत्तियं खिप्पामेव पच्चप्पिणाहि जहा दाहिणिल्स्स ओअवणं तहा सव्वं भाणियव्वं जीव पच्चणुभवमाणे विहरइ // 6 // तए णं दिव्वे चक्करयणे अण्णया कयाइ आउहघरसालाओ पडिणिक्खमइ 2 त्ता अंतलिक्खपडिवण्णे जाव उत्तरपुरस्थिम दिसिं चुल्लहिमवंतपव्वयाभिमुहे पयाए यावि होत्था, तए णं से भरहे राया तं दिव्वं चक्करयणं जाव चुलहिमवंतवासहरपव्वयस्स अदूरसामंत दुवालसजोयणायाम जाव चुलहिमवंतगिरिकुमारस्स देवस्स अट्ठमभत्तं पगिण्हइ, तहेव जहा मागहतित्थस्स जाव समुद्दरवभूयं पिव करेमाणे 2 उत्तरदिसाभिमुहे जेणेच चुल्लहिमवंतवासहरपन्चए तेणेव उवागच्छइ २त्ताचुलहिमवंतवासहरपव्वयं तिक्खुत्तो रहसिरेणं फुसइ फुसित्ता तुरए णिगिण्हइ णिगिण्हित्ता तहेव जाव आययकण्णाययं च काऊण उसुमुदारं इमाणि वयणाणि तत्थ भाणी से णरवई जाव सन्वे मे ते विसयवासित्तिकट्ट उडे वेहासं उसु णिसिरइ परिगरणिगरियमझे जाव तए णं से
