________________ अनंगपविट्ठसुत्ताणि णेत्ति सव्वजणवीसुयगुणे / तए णं से गाहावइरयणे भरहस्स रण्णो तद्दिवसप्पइण्णणिप्फाइयपूइयाणं सव्वधण्णाणं अणेगाइं कुंभसहस्साइं उवट्ठवेइ, तए णं से भरहे राया चम्मरयणसमारूढे छत्तरयणसमोच्छण्णे मणिरयणकउज्जोए समुम्गयभूएणं सुहंसुहेणं सत्तरत्तं परिवसइ, गाहा---णवि से खुहा ण विलियं णेव भयं णेव विजए दुक्खं / भरहाहिवस्स रण्णो खधावारस्सवि तहेव // 1 // 60 // तए णं तस्स भरहस्स रण्णो सत्तरत्तंसि परिणममाणंसि इमेयारूवे अब्भथिए चिंतिए पत्थिए मणोगए संकप्पे समुप्पज्जित्था-केस णं भो ! अपत्थियपत्थए दुरंतपंतलक्खणे जाव परिवज्जिए जे णं ममं इमाए एयाणुरुवाए जाव अभिसमण्णागयाए उप्पिं विजयखंधावारस्स जुगमुसलमुट्ठि जाव वासं वासइ / तए णं तस्स भरहस्स रण्णो इमेयारूवं अन्भत्थियं चिंतियं पत्थियं मणोगयं संकप्पं समुप्पण्णं जाणित्ता सोलस देवसहस्सा सण्णज्झिउं पवत्ता यावि होत्था, तए णं ते देवा सण्णद्धबद्धवम्मियकवया जाव गहियाउहप्पहरणा जेणेव ते मेहमुहा णागकुमारा देवा तेणेव उवागच्छंति 2 त्ता मेहमुहे णागकुमारे देवे एवं वयासी-हं मो मेहमुहा णागकुमारा देवा ! अपत्थियपत्थगा जाव परिवज्जिया किण्णं तुब्भे ण याणह भरहं रायं चाउरंतचक्कवहि महिड्डियं जाव उद्दवित्तए वा पडिसेहित्तए वा तहा वि णं तुब्भे भरहस्स रण्णो विजयखंधावारस्स उप्पिं जुगमुसलमुट्टिप्पमाणमित्ताहिँ धाराहिँ ओघमेघ सत्तरत्तं वासं वासह, तं एवमवि गए इत्तो खिप्पामेव अवक्कमह अहव णं अज पासह चित्तं जीवलोगं, तए णं ते मेहमहा णागकुमारा देवा तेहिं देवेहिं एवं वुत्ता समाणा भीया तत्था वहिया उविग्गा संजायभया मेहाणीयं पडिसाहरंति 2 त्ता जेणेव आवाडचिलाया तेणेव उवागच्छंति 2 त्ता आवाडचिलाए एवं वयासी-एस णं देवाणुप्पिया ! भरहे राया महिथिए जाव णो खलु एस सक्को केणइ देवेण वा जाव अम्गिप्पओगेण वा जाव उद्दवित्तए वा पडिसेहित्तए वा तहावि य णं अम्हेहिं देवाणुप्पिया ! तुझ पियट्टयाए भरहस्स रण्णो उवसग्गे कए, तं गच्छह णं तुब्भे देवाणुप्पिया ! व्हाया कयबलिकम्मा कयकोउयमंगलपायच्छित्ता उल्लपडसडागा ओचूलगणियच्छा अम्गाई वराई रयणाइं गहाय पंजलिउडा पायवडिया भरहं रायाणं सरणं उवेह, पणिवइयवच्छला खलु उत्तमपुरिसा णत्थि भे भरहस्स रण्णो अंतियाओ भयमितिकट्ट एवं वइत्ता जामेव दिसि पाउन्भूया तामेव दिसि पडिगया / तए णं ते आवाडचिलाया मेहमुहेहिं णागकुमारेहिं देवेहि एवं वुत्ता समाणा उट्ठाए उठेति २त्ता ण्हाया कयबलिकम्मा. कयकोउयमंगलपायच्छित्ता उल्लपडसाडगा ओचूलगणियच्छा अग्गाइं वराई रयणाइं गहाय जेणेव भरहे
