________________ अणुओगदारसुत्तं णाणं पंचविहं पण्णत्तं / तंजहा-आभिणिबोहियणाणं 1 सुयणाणं 2 ओहिणाणं 3 मणपजवणाणं 4 केवलणाणं 5 // 1 // तत्थ चत्तारि णाणाई ठप्पाई टवणिजाई, णो उद्दिसिज्जति', णो समुद्दिसिज्जति, णो अणुण्ण विज्जति / सुयणाणस्स उद्देसो, समुद्देसो, अणुण्णा, अणुओगो य पवत्तइ // 2 // जइ सुयणाणस्स उद्देसो, समुद्देसो, अणुण्णा, अणुओगो य पवत्तइ, किं अंगपविट्ठस्स उद्देसो, समुद्देसो, अणुण्णा, अणुओगो य पवत्तइ ? किं अंगबाहिरस्स उद्देसो, समुद्देसो, अणुण्णा, अणुओगो य पवत्तइ ? अंगपविट्ठम्स वि उद्देसो जाव पवत्तइ अँणंगपविट्टम्स वि उद्देसो जाव पवत्तइ / इमं पुण पट्ठवणं पडुच्च अणंगपविट्ठस्से अणुओगो // 3 // जइ अणंगपविट्ठस्म अणुओगो, किं कालियस्स अणुओगो ? उक्कालियस्स अणुओगो ? कालि. यस्स वि अणुओगो, उकालियस्स वि अणुओगो। इमं पुण पट्ठवणं पडुच्च उक्कालियस्स अणुओगो // 4 // जइ उक्कालियस्स अणुओगो, किं आवस्सस्स अणुओगो! आवस्सगवइरित्तस्स अणुओगो ? आवस्सगस्स वि अणुओगो, आवम्सगवइरित्तस्स वि अणुओगो / इमं पुण पट्ठवणं पडुच्च आवस्सगस्स अणुओगो // 5 // जह आवस्सगस्स अणुओग्ने, किं णं अंगं ? अंगाई ? सुयखंधो ? सुयखंधा ? अज्झ. यणं ? अज्झयणाइं ? उद्देसो ? उद्देसा ? आवस्सँयं णं णो अंगं, णो अंगाई, सुय. खंधो, णो सुयखधा, गो अज्झयणं, अज्झयणाई, णो उद्देसो, णो उद्देसा // 6 // तम्हा आवस्सयं णिविखविस्सामि, सुयं णिक्खिविस्सामि, खंध णिविखविस्सामि, अज्झयणं णिक्खिविस्सामि / गाहा-जत्थ य ज जाणेजा, णिक्खेवं णिविन्द वे हिरवसेसं / जत्थ वि य ण जाणेजा, चउक्कयं णिविखवे तत्थ // 1 // 7 // से किं तं आवस्सयं ? आवस्सयं च उव्विहं पण्णत्तं / तंजहा-णामावस्सय 1 ठवणावस्सयं 2 दव्यावस्सयं 3 भावावस्सयं 4 // 8 // से किं तं णामाघस्सयं ? णामावस्सयंजस्स णं जीवस्स वा, अजीवस्स वा, जीवाण वा, अजीवाण वा, तदुभयस्स वा, तंदुभयाण वा, 'आवस्सए' त्ति णामं कजइ / सेत्तं णामावस्सय // 9 // से किं तं पाढंतरं-१ उद्दिस्संति / 2 समुद्दिस्संति / 3 अंगबाहिरस्स वि / 4 अंगवाहि रस्स / 5 अंगवाहिरस्स / 6 आवस्सयं किं / 7 आवस्सयस्स /
