________________ नंदीसुत्तं-सुयणाणं 1191 सीसा, गणा, गणहरा, अजपवत्तिणीओ, संघस्स चउव्विहस्स जं च परिमाणं, जिणमणपजवओहिणाणी, सम्मत्तसुयणाणिणो य, वाई, भणुत्तरगई य, उत्तरवेउविणो य मुणिणो, जत्तिया सिद्धा, सिद्धिपहो जह देसिओ, नच्चिरं च कालं, पाओवगया जे जहिं जत्तियाई भत्ताई अणसणाए छेइत्ता अंतगडे, मुणिवरुत्तमे, तिमिरओघविप्पमुक्के, मुक्खसुहमणुत्तरं च पत्ते, एवमण्णे य एवमाइभावा मूलपढमाणुओगे कहिया, सेत्तं मूलपढमाणुओगे।से किं तं गंडियाणुओगे ? गंडियाणुओगे कुलगरगंडियाओ, तित्थयरगंडियाओ, चकवष्टिगंडियाओ, दसारगंडियाओ, बलदेवगंडियाओ, वासुदेवगंडियाओ, गणधरगंडियाओ, भद्दबाहुगंडियाओ; तवोकम्मगंडियाओ, हरिवंसगंडियाओ, उस्सप्पिणीगंडियाओ, ओसप्पिणीगंडियाओ, चित्तंतरगंडियाओ, अमरणरतिरियणिरयगइगमणविविहपरियणेसु एबमाइयाओ गाँडयाओ आपविज्जंति, पण्णविज्नंति, सेत्तं गंडियाणुओगे, सेत्तं अणुओगे 4 / से किं तं चूलियाओ ? चूलियाओ-आइल्लाणं चउण्हं पुवाणं चूलिया, सेसाई पुव्वाई अचूलियाई, सेत्तं चूलियाओ 5 / दिट्ठिवायस्स णं परित्ता वायणा, संखेजा भणुओगदारा, संखेजा वेढा, संखेजा सिलोगा; संखेजाओ पडिवत्तीओ; संखेजाओ णिज्जुत्तीओ, संखेजाओ संगहणीओ। से गं अंगट्टयाए बारसमे अंगे, एगे सुयक्खंधे; चोद्दस पुवाई, संखेजा वत्थू , संखेजा चूलवत्थू , संखेजा पाहुडा, संखेजा पाहुडपाहुडा, संखेजाओ पाहुडियाओ, संखेजाओ पाहुडपाहुडियाओ, संखेजाई पयसहस्साई पयग्गेणं, संखेजा अक्खरा, अणंता गमा, अणंता पजवा, परित्ता तसा; अणंता थावरा, सासयकडणिबद्धणिकाइया जिणपण्णत्ता भावा आघविज्जंति, पण्णविज्जंति, परूविज्जंति, दंसिज्जति, णिदंसिज्जंति, उवदंसिज्जति / से एवं आया, एवं गाया, एवं विण्णाया, एवं चरणकरणपरूवणा आघविजइ / सेत्तं दिट्ठिवाए 12 // 57 / / इच्चेइयंमि दुवालसंगे गणिपिडगे अणंता भावा, अणंता अभावा, अणंता हेऊ, अगंता अहेऊ, अणंता कारणा, अणंता अकारणा, अणंता जीवा; अणंता अजीवा; अणंता भवसिद्धिया; अणंता अभवसिद्धिया; अणंता सिद्धा, अणंता असिद्धा पण्णत्ता-भावमभावा हेउमहेऊ; कारणमकारणे चेव / जीवाजीवा भविय-ममविया सिद्धा असिद्धा य // 92 // इच्चेइयं दुवालसंगं गणिपिडगं तीए काले अणंता जीवां आणाए विराहित्ता चाउरंतं संसारकंतारं अणुपरियट्टिसु / इच्चेइयं दुवालसंगं गणि पिडगं पडुप्पण्णकाले परित्ता जीवा आणाए विराहित्ता चाउरंतं संसारकंतारं अणुपरियस॒ति / इच्चेइयं दुवालसंगं गणिपिडगं अणागए काले अणंता
