Anangpavittha Suttani Bio Suyakhandho

SR No.: 004389
Original Sutra Author: N/A
Author: Ratanlal Doshi, Parasmal Chandaliya
Publisher: Akhil Bharatiya Sadhumargi Jain Sanskruti Rakshak Sangh
Publication Year: 1984
Total Pages: 746
Language: Sanskrit
Classification: Book_Devnagari, agam_jambudwipapragnapti, agam_jambudwipapragnapti, agam_nirayavalika, agam_kalpavatansika, agam_pushpika, agam_pushpachulika, agam_vrushnidasha, & agam
File Size: 13 MB

Page 599

1190 अनंगपविट्ठसुत्ताणि मासाणं 7 संजूहं 8 संभिण्णं 9 आहच्चायं 10 सोवत्थियावत्तं 11 णंदावत्तं 12 बहुलं 13 पुट्ठापुढे 14 वियावत्तं 15 एवंभूयं 16 दुयावत्तं 17 वत्तमाणप्पयं 18 समभिरूदं 19 सव्वओभई 20 पस्सासं 21 दुप्पडिग्गहं 22, इच्चेइयाई बावीसं सुत्ताई छिण्णच्छेयणइयाणि ससमयसुत्तपरिवाडीए, इच्चेइयाई बावीसं सुत्ताई अच्छिण्णच्छेयणइयाणि आजीवियमुत्तपरिवाडीए, इच्चेइयाइं बावीसं सुत्ताई तिगणइयाणि तेरासियसुत्तपरिवाडीए, इच्चेइयाई बावीसं सुत्ताइं चउकणइयाणि ससमयसुत्तपरिवाडीए, एवामेव सपुव्वावरेणं अट्ठासीई सुत्ताइ भवंतित्ति मक्खाय, सेत्तं सुत्ताई 2 // से किं तं पुव्वगए ? पुव्वगए चउद्दसविहे पण्णत्ते, तंजहा-उप्पायपुत्वं 1, अग्गाणीयं 2, वीरियं 3, अस्थिणस्थिप्पवायं 4, णाण पवायं 5, सच्चप्पवायं 6, आय-पवायं 7, कम्मप्पवायं 8, पच्चक्खाणप्पवायं (पचक्खाणं) 9, विजाणुप्पवायं 10, अवंझं 11, पाणाऊ 12, किरियाविसालं 13, लोकबिंदुसारं 14 / उप्पायपुव्वस्स णं दस वत्थू , चत्तारि चूलियावत्थू पण्णत्ता / अग्गातियपुवस्स णं चोइस वत्थू , दुवालस चूलियावत्थू पण्णत्ता। वीरियपुव्वस्स णं अट्ठ वत्थू , अट्ठ चूलियावत्थू पण्णत्ता। भत्थिणत्थिप्पवायपुव्वस्स णं अट्ठारस वत्थू , दस चूलियावत्थू पण्णत्ता / णाणप्प. वायपुवस्स णं बारस वत्थू पण्णत्ता / सच्चप्पवायपुव्वस्स णं दोण्णि वत्थू पण्णत्ता। आयप्पवायपुव्वस्स णं सोलस वत्थू पण्णत्ता / कम्मापवायपुवस्स णं तीसं वत्थू पण्णत्ता / पञ्चक्खाणपुवस्स णं वीसं वत्थू पण्णत्ता। विजाणुप्पवायपुवस्स णं पण्णरस वत्थू पण्णत्ता / अवंझपुवस्स णं बारस वत्थू पण्णत्ता / पाणाउपुवस्स णं तेरस वत्थू पण्णत्ता। किरियाविसालपुव्वस्स णं तीसं वत्थू पण्णत्ता / लोकबिंदुसारपुवस्स णं पणुवीसं वत्थू पण्णत्ता, गाहा-दस 1 चोद्दस 2 अट्ठ 3 इट्टा-, रस्रव 4 वारस 5 दुवे 6 य वत्थूणि / सोलस 7 तीसा 8 वीसा 9, पण्णरस 10 अणुप्पवायम्मि // 89 // बारस इक्कारसमे, वारसमे तेरसेव वत्थूणि / तीसा पुण तेरसमे, चोद्दसमे पण्णवीसाओ // 90 // चत्तारि 1 दुवालस 2 अट्ठ 3 चेव, दस 4 चेव चुलवत्थूणि / आइल्लाण चउण्हं, सेसाणं चूलिया णस्थि // 91 // सेत्तं पुव्वगए 3 // से किं तं अणुओगे ? अणुओगे दुविहे पण्णत्ते, तंजहा-मूलपढमाणुओगे, गंडियाणुओगे य / से किं तं मूलपढमाणुओगे ? मूलपढमाणुओगे णं अरहंताणं भगवंताणं पुव्वभवा, देवगमणाई, आउं, चवणाई, जम्मणाणि, अभिसेया, रायवरसिरीओ, पव्वजाओ, तवा य उग्गा, केवलणाणुप्पयाओ, तित्थपवत्तणागि य,