________________ 1166 अनंगपविट्ठसुत्ताणि अउणवीसं तु, उक्कोसेण ठिई भवे / आणयम्मि जहण्णेणं, अट्ठारस सागरोवमा // 231 // वीसं तु सागराई, उक्कोसेण ठिई भवे / पाणयम्मि जहण्णेणं सागरा अउणवीसई // 232 // सागरा इक्कवीसं तु, उक्कोसेण ठिई भवे / आरंणम्मि जहपणेणं, वीसई सागरोवमा // 233 // बावीसं सागराइं, उवकोसेण टिई भवे / अच्चु. यम्मि जहण्णेणं, सागरा इकवीसई // 234 // तेवीस सागराई, उक्कोसेण ठिई भवे / पढमंमि जहण्णेणं, बावीसं सागरोवमा // 235 // चउवीस सागराइं, उक्कोसेण ठिई भवे / बिइयंमि जहण्णेणं, तेवीसं सागरोवमा // 236 // पणवीस सागराई, उक्कोसेण ठिई भवे / तइयंमि जहण्णेणं, चउवीसं सागरोवमा // 237 // छव्वीस सागराई, उक्कोसेण ठिई भवे / चउत्थंमि जहण्णेणं, सागरा पणुवीसई // 238 // सागरा सत्तवीसं तु, उक्कोसेण ठिई भवे / पंचमंमि जहण्णेणे, सागरा उ छवीसई // 239 // सागरा अट्ठवीसं तु,उक्कोसेण ठिई भवे। छटुंमि जहण्णेणं, सागरा सत्तवीसई // 240 // सागरा अउणतीसं तु, उक्कोसेण ठिई भवे / सत्तमंमि जहण्णेणं, सागरा अट्ठवीसई // 241 // तीसं तु सागराइं, उक्कोसेण ठिई भवे। अट्ठमंमि जहण्णेण, सागरा अउणतीसई // 242 // सागरा इक्कतीसं तु, उक्कोसेण ठिई भवे / णवमंमि जहण्णेणं, तीसई सागरोवमा // 243 // तेत्तीसा सागराई, उनकोसेण टिई भवे / चउसु पि विजयाईसु, जहण्णेणेकतीसई // 244 / / अजहण्णमणुक्कोसा, तेत्तीसं सागरोक्मा। महाविमाणे सव्वटे, ठिई एसा वियाहिया // 245 // जा चेव उ आउठिई, देवाणं तु वियाहिया / सा तेसिं कायठिई, जहाणमुक्कोसिया भवे // 246 // अणंतकालमुक्कोस, अंतोमुहुत्तं जहण्णयं / विजदंमि सए काए, देवाणं हुज अंतरं // 247|| अणंतकालमुक्कोसं, वासपुहुत्तं जहण्णयं / आणयाईण कप्पाणं, गेविजाणं तु अंतरं // 248 // संखिजसागरुक्कोस, वासपुहृत्तं जहणणयं / अणुत्तराणं देवाणं, अंतरेयं वियाहियं // 249 // एएसिं वण्णओ चेव, गंधओ रसफासओ। मंठाणादेसओ वावि, विहाणाइं सहस्ससो // 250 // संसारत्था य सिद्धा य, इय जीवा वियाहिया। रूविणो चेवरूवी य, अजीवा दुविहा वि य // 251 // इय जीवमजीवे य, सोचा सद्दहिऊण य / सव्वणयाणमणुमए, रमेज संजमे मुणी // 252 / / तओ बहूणि वासाणि, सामण्णमणुपालिया। इमेण कमजोगेण, अप्पाणं संलिहे मुणी // 253 // बारसेव उवासाई, सलेहुक्कोसिया भवे। संवच्छर मज्झिमिया, छम्मासा य जहणिया // 254 // पदमे वासचउक्कंमि, विगईणिज्जूहणं करे। बिइए वासचउक्कमि, विवित्तं
