________________ उत्तरायणसुत्तं अ. 36 1161 ईया, अपजवसिया वि य / ठिहं पडुच्च साईया, सपजबसिया वि य // 113 // तिण्णेव अहोरत्ता, उक्कोसेण वियाहिया / आउठिई तेजणं, अंतोमुहत्तं जहणिया // 114 // असंखकालमुक्कोसा, अंतोमुहुत्तं जहणिया / कायठिई तेऊणं, तं काय तु भमुंचओ // 115 // अणंतकालमुक्कोस, अंतोमुहत्तं जहण्णयं / विनटमि सए काए, तेऊजीवाण अंतरं // 116 // एएसिं वण्णओ चेव, गंधओ रसफासओ संठाणादेसओ वावि, विहाणाई सहस्ससो // 117 // दुविहा वाउर्ज वा उ, सुहुमा बायरा तहा / पजत्तमपजत्ता, एवमेए दुहा पुणो // 118 // बायरा जे उ पत्ता, पंचहा ते पकित्तिया / उक्कलिया मंडलिया, घणगुंजा सुद्धवाया य // 119 // संवगवाया य, ऽणेगहा एवमायओ। एगविहमणाणत्ता, सुहुमा तत्थ वियाहिया // 120 // सुहुमा सव्वलोगमि, लोगदेसे य बायरा / इत्तो कालविभागं तु, तेसिं बुच्छं चउन्विहं // 121 // संतई पप्पऽणाईया, अपजवसिया वि य / टिइं पडुच साईया, सपजवसिया वि य // 122 // तिण्णेव सहस्साई, वासावकोसिया भवे / आउठिई वाऊणं, अंतोमुहुत्तं जहणिया // 123 // असंखकालमुक्कोसा, अंतोमहत्तं नहणिया। कायठिई बाऊणं, तं कायं तु अमुंचओ // 124 // अणंतकालमुक्कोस, अंतोमुहत्तं नहण्णयं / विजढंमि सए काए, वाऊजीवाण अंतरं // 125 // एए सिं वण्णओ चेव, गंधओ रसफासओ। संठाणादेसओ वावि, विहाणाई सहस्ससो // 126 // उराला तसा जे. उ, चउहा ते पकित्तिया। बेइंदिय तेइंदिय, चउरो पंचिंदिया तहा // 127 // बेइंदिया उ जे जीवा, दुविहा ते पकित्तिया। पजत्तमपजत्ता, तेसिं भेए सुणेह मे // 128 // "किमिणो सोमंगला चेव, अलसा माइ. वाहया / वासीमुहा य सिप्पिया, संखा संखणगा तहा // 129 // परलोयाणुल्लया चेव, तहेव य वराडगा। जलूगा नालगा चेव, चंदणा य तहेव य // 130 // इइ बेइंदिया एए,ऽणेगहा एबमायओ। लोगेगदेसे ते सव्वे, ण सव्वत्थ वियाहिया // 131 / / संतई पप्पऽणाईया, अपजवसिया वि य / ठिइं पडुच्च साईया, सपजपसिया वि य॥ 132 / / वासाइं बारसा चेव, उक्कोसेण वियाहिया। बेइंदियआउठिई, अंतोमुहुत्तं जहणिया // 133 // संखिजकालमुक्कोसा, अंतोमुहुत्तं नहणिया। बेइंदियंकायठिई, तं कायं तु अमुंचओ // 134 // अणंतकालमुक्कोसं, अंतोमुहत्तं जहण्णय / बेइंदियजीवाणं, अंतरं च वियाहियं // 135 // एएसिं वण्णओ चेव, गंधओ रसफासओ। संठाणादेसओ वावि, विहाणाई सहस्ससो // 136 // तेइंदिया
