________________ . 1162 अनंगपविट्ठसुत्ताणि . उ जे जीवा, दुविहा ते पकित्तिया / पजत्तमपजत्ता, तेसिं भेए सुणेह मे // 137 // कुंथुपिवीलिउइंसा, उक्कलुद्देहिया तहा। तणहारकट्ठहारा य, मालगा पत्तहारगा // 138 // कप्पासद्धिमिजा य, तिदुगा तउसमिनगा। सदादरी य गुम्मी य, बोधब्बा इंदगाइया // 139 / / इंदगोवगमाईया, ऽणेगहा एवमायओ। लोगेगदेसे ते सव्वे, ण सव्वत्थ वियाहिया // 140 // संतई पप्पऽणाईया, अपजवसिया वि य / ठिई पडुच्च साईया सपजवसिया वि य // 141 // एंगूणपण्णहोरत्ता, उक्कोसेण वियाहिया / तेइंदियआउठिई, अंतोमुहत्तं जहणिया // 142 // संखिजकालमुक्कोसा, अंतोमुहत्तं जहणिया / तेइंदियकायठिई, तं कायं तु अमुंचओ // 143 // अणंतकालमुक्कोसं, अंतोमुहुत्तं जहण्णयं / तेइंदियजीवाणं, अंतरं तु वियाहियं // 144 // एएसिं वण्णओ चेव, गंधओ रसफासओ / संठाणादेसओ वावि, विहाणाई सहस्ससो॥ 145 // चउरिदिया उ जे जीवा, दुविहा ते पकित्तिया। पजत्तमपजत्ता, तेसिं भेए सुणेह मे // 146 // अंधिया पोत्तिया चेव, मच्छिया मसगा तहा / भमरे कीडपयंगे य, टिंकुणे कंकणे तहा // 147 // कुक्कडे सिंगिरीडी य, णंदावत्ते य विच्छुए / डोले भिंगिरीडी य, विरली अच्छिवेहए // 148 // अच्छिले माहए अच्छिरोडए, विचित्ते चित्तपत्तए / उहिंजलिया जलकारी य, णीयया तंवगाइया // 149 // इय चउरिंदिया एए, ऽणेगहा एवमायओ। लोगेगदेसे ते सव्वे, ण सव्वत्थ वियाहिया // 150 // संतई पप्पऽणाईया, अपजवसिया वि य / ठिई पडुच्च साईया, सपजव सिया वि य // 151 / / छच्चेव य मासाऊ, उक्कोसेण वियाहिया / चउरिंदियआउठिई, अंतोमुहत्तं जहणिया // 152 // संखिजकालमुक्कोसं, अंतोमुहुत्तं जहणिया। चउरिदियकायठिई, तं काय तु अमुंचओ // 153 // अणंतकालमुक्कोसं, अंतोमहत्तं जहण्णयं / चउरिदियर्ज वाणं, अंतरं च वियाहियं // 154 // एएसिं वण्णओ चेव, गंधओ रसफासओ / संठाणादेसओ वावि, विहाणाइं सहस्ससो॥१५५॥पंचिंदिया उ जे जीवा, चउविहाते वियाहिया। णेरइया तिरिक्खा य, मणुया देवा य आहिया // 156 // णेरइया सत्तविहा, पुढवीसु सत्तसु भवे / रयणाभसक्कराभा, वालुयाभा य आहिया // 157 // पंकामा धूमाभा, तमा तमतमा तहा / इइ णेरइया एए, सत्तहा परि कित्तिया // 158|| लोगस्स एगदेसंमि, ते सव्वे उ वियाहिया। एत्तो कालविभागं तु, वोच्छ तेसिं च उत्विहं / / 159 // संतई पप्पडणाईया, अपजवसिया वि य / ठिई पडुच्च साईया, सपजव सिया वि य पाढंतरं-१ लोगस्स एगदेसंमि, ते सव्वे परिकित्तिया।२ विजढमि सए काए।
